Дар асоси нақшаи муштараки Вазорати корҳои дохилии Ҷумҳурии Тоҷикистон, Вазорати маориф ва илми Ҷумҳурии Тоҷикистон ва Ҳизби Халқии Демократии Тоҷикистон дар Донишкадаи тарбияи ҷисмонии Тоҷикистон ба номи Саидмӯъмин Раҳимов  маросими ифтитоҳи мусобиқаҳои варзишӣ байни донишҷўёни муассисаҳои олӣ ва коллеҷҳо баргузор гардид.

Чорабиниро муовини вазири корҳои дохилии Ҷумҳурии Тоҷикистон Навҷувонов Абдулло ифтитоҳ намуда, ба иштирокчиён барору муваффақиятҳо орзу намуд. 

Зимни суханронӣ қайд гардид, ки дар анҷоми мусобиқаҳо оид ба футболи хурд, волейбол ва шоҳмот ғолибон бо тўҳфаҳои хотиравӣ сарфароз гардонида мешаванд. 

Дар маросими ифтитоҳи мусобиқаҳои варзишӣ дастаи варзишгарони Донишкадаи идоракунии давлатӣ низ таҳти сарпарастии муаллими варзиш Шаҳбози Одина ширкат варзиданд.