Имрӯз, 22 феврал, дар варзишгоҳи марказии шаҳри Ваҳдат мусобиқаи ҳарбӣ-варзишии "Ватанпарвар" ҷамъбаст гардид.



Дар чорабинӣ, ки бо ташаббуси Бахши ҷавонон, варзиш ва сайёҳии шаҳри Ваҳдат баргузор шуд, намояндагони Раёсати маорифи шаҳр, коллеҷҳои тиббӣ, омор, МДТ ЛКТ ва Комиссариати ҳарбии шаҳр ширкат варзиданд.

Мусобиқа аз рӯи 6 намуд: гурзпартоӣ, турниккашӣ, партофтани норинҷак, ҷаҳидан ба дарозӣ, давидан ба масофаи 100 метр ва намоиши машқҳои низомӣ доир гашт. Дастаҳо аз ҷамоатҳои шаҳраку деҳот, муассисаҳои таҳсилоти миёнаи умумӣ ва муассисаҳои касбомӯзӣ иштирок намуда, тибқи талаботи низомномаи мусобиқа бо ҳам сабқат намуданд.



Дар ҷамъбаст, миёни ҷамоатҳои шаҳраку деҳот ҷойи аввал насиби Ҷамоати деҳоти Абдулло Абдулвосиев, ҷойи дуюм насиби дастаи Ҷамоати шаҳраки Нуъмон Розиқ ва ҷойи сеюм насиби дастаи Ҷамоати деҳоти Чӯянгарон гардид. Миёни муассисаҳои касбомӯзӣ мақоми аввалро Коллеҷи омор, мақоми дуюмро Коллеҷи тиббӣ ва мақоми сеюмро Муассисаи давлатии таълимии литсейи касбӣ-техникии шаҳр сазовор гаштанд. Миёни дастаҳои муассисаҳои таҳсилоти миёнаи умумӣ бошад, ҷойи авваро МТМУ №3, ҷойи дуюмро МТМУ №7 ва ҷойи сеюмро МТМУ №31 соҳиб шуданд.

Ғолибон бо медалу ифтихорномаҳои Бахши ҷавонон, варзиш ва сайёҳии шаҳри Ваҳдат мукофотонида шуданд.