Бо ибтикори мақомоти иҷроияи ҳокимияти давлатии шаҳри Душанбе ва Федератсияи бузкашӣ бахшида  ба ифтихори  Рӯзи пойтахт, 20 апрел, дар Муассисаи давлатии “Наврӯзгоҳ” мусобиқаи кушоди пойгаи аспдавонӣ баргузор мегардад.

Бино ба иттилои бахши варзиши шаҳри Душанбе дар мусобиқаи мазкур варзишгарони аз 16-сола боло бо аспҳои 2, 3,  4  ва аз 4-сола болои хоҷагиҳои асппарварии ҷамъиятиву хусусии вилоятҳо, шаҳру ноҳияҳои тобеи ҷумҳурӣ ва шаҳри Душанбе иштирок  ва байни ҳам рақобат хоҳанд кард.

Ба таъкиди масъулин мусобиқаи  аспдавонӣ бо мақсади рушди соҳаи варзиш, тарғибу ташвиқи тарзи ҳаёти солим ва солимгардонии ҷомеа баргузор шуда, мусобиқа бо ширкати аспҳои ватанию хориҷӣ роҳандозӣ мегардад.

Дар интиҳои мусобиқа барандагони он бо ҷом, диплом,  ифтихорномаи мақомоти иҷроияи ҳокимияти давлатии шаҳри Душанбе сарфароз гардонида мешаванд.