8-9 октябри соли равон дар шаҳри Душанбе мусобиқаи кушоди байналмилаӣ аз рӯи намуди гӯштини тарзи озод миёни варзишгарони соли таввалудашон 1999-2003 баргузор мегардад.

Мусобиқаи мазкур дар толори Зурхонаи ба номи Абдулқосим Фирдавсӣ доир гардида, дар он паҳлавонон аз шаҳру ноҳияҳои кишвар, Қирғизистон, Узбакистон, Қазоқистон ва Русия аз рӯи 16 вазн (23, 26, 29, 32, 35, 38,42,46, 50,54,58,63, 69, 76,85 ва 100 кило) миёни ҳам рақобат мекунанд.

Ин сеюмин мусобиқаи байналмилалӣ мебошад, ки бахшида ба ёдбуди Қувват Холов, Корманди шоистаи Ҷумҳурии Тоҷикистон гузаронида мешавад.

Муҳаммад Шукуров, мураббии риштаи гӯштини тарзи озод мақсад аз баргузории мусобиқаи мазкурро тарғиби гӯштини тарзи озод дар кишвар, мустаҳакам намудани дӯстӣ миёни ҷавонону наврасон, баланд бардоштани маҳорати олии онҳо ва дарёфти чеҳраҳои нави варзиш барои мусобиқаҳои сатҳи байналмилалӣ арзёбӣ намуд.

Ғолибонро медалу ифтихорнома, камарбанд, ҷом ва тӯҳфаҳои хотиравӣ интизор аст.