Ба муносибати 20-солагии Ваҳдати миллӣ ва “Соли ҷавонон” дар ҷамоати шаҳраки “Балх”-и ноҳияи Ҷалолиддини Балхӣ бо иштироки зиёда аз 70 нафар наврасону ҷавонон дар вазнҳои аз 25 то 50 кг мусобиқаи гӯштини миллӣ баргузор гардид.

Ба иттилои Хуршед Қурбонов, мудири Бахши кор бо ҷавонон ва варзиши ноҳия мақсад аз баргузор намудани масобиқа ташвиқу тирғиби тарзи ҳаёти солим, баланд бардоштани маҳорати варзишии наврасону ҷавонон ва муайян намудани варзишгарони беҳтарин мебошад.
Ба ғолибони мусобиқа аз тарафи Бахши кор бо ҷавонон ва варзиши ноҳия ифтихорнома, медал ва туҳфаҳои хотиравӣ супорида шуданд.

Умед Мирзоев, “ҶТ”