МУАЛЛИФ: УМЕД МИРЗОЕВ

Тибқи нақшаи чорабиниҳои Бахши ҷавонон, варзиш ва сайёҳии шаҳри Қӯрғонтеппа, бахшида ба Рӯзи Модар ва «Соли ҷавонон», байни бонувони ташкилоту муассисаҳои шаҳри Қӯрғонтеппа мусобиқаи волейбол баргузор шуд.

Исматуллозода Ҷамолдиддин, як масъули Бахши ҷавонон варзиш ва сайёҳии шаҳри Қӯрғонтеппа гуфт: "Мақсад аз чорабиниҳои варзишӣ, асосан ҷалб намудани бонувон ба варзиш аст. Дар нақша дорем, ки дигар мусобиқаҳои варзиширо бо иштироки бонувон гузаронем".

Баъд аз ҷамъбаст ҷои аввал насиби дастаи волейболбозони шуъбаи маорифи шаҳр шуд. Ҷойи дуюмро дастаи Коллеҷи тиббӣ ва ҷойи сеюмро дастаи Беморхонаи шаҳрӣ соҳиб гардиданд.

Дастаҳои ғолиб бо ҷом, диплом ва туҳфаҳои Бахши ҷавонон, варзиш ва сайёҳии шаҳри Қӯрғонтеппа мукофотонида шуданд.