Бахшида ба Рӯзи пойтахт санаи 20 апрел, 10-умин Ниммарафони байналмилалии Душанбе доир мешавад.

Бино ба иттилои Кумитаи тадорукоти мусобиқа дар Ниммарафони Душанбе имсол баробари 100 нафар давандаи Тоҷикистон, инчунин  34 варзишгар аз 14 давлат – Австралия, Австрия, Афғонистон, Британияи Кабир, ИМА, Кения, Қазоқистон, Қирғизистон, Нидерланд, Руссия, Узбекистон, Украина, Чин ва Эфиопия иштирок менамоянд.

10-ум Ниммарафони байналмилалии Душанбе чун анъана дар масофаи 21.97 километр дар масири Наврӯзгоҳ – майдони “Дӯстӣ” тавассути хиёбони Ҳофизи Шерозӣ то маҳаллаи Чорбоғ ва аз он ҷо тавассути хиёбони Рӯдакӣ сурат гирифта, МИҲД шаҳри Душанбе барои варзишгароне, ки то ҷои 6-умро ишғол менамоянд, ҷоизапулӣ муқаррар кардааст. Дар робита ба ин, бо қарори раиси шаҳри Душанбе Рустами Эмомалӣ 387 803 (сесаду ҳаштоду ҳафт ҳазору ҳаштсаду се) сомонӣ ҷудо шудааст.