Нимҳимоятгари тими миллии Тоҷикистон Нозим Бобоҷонов ба дастаи “Баҳрайн”   даъват шуд. Бозингари тоҷик то охири мавсими имсола дар ин тим бозӣ мекунад.

Тибқи иттиллои дафтари  матбуоти Федератсияи футболи Тоҷикистон Нозим Бобоҷонов аз санҷиш гузаштааст ва тибқи шартнома то охири мавсими соли ҷорӣ аз тими "Баҳрайн" ба майдон мебарояд.

Нозим Бобоҷонов 21сол дошта, аз ин пеш дар дастаи “Истиқлол”-и Душанбе бозӣ мекард. Ӯ ҳамчунин  дар  тимҳои “Рубин”-и Қазон, “Локомотив”-и Москав ва “Регар-ТадАЗ”-и Турсунзода  бозӣ кардааст.

Ёдовар мешавем, ки  аз ин пеш  Манучеҳр Аҳмадов, ҳимоятгари дигари мунтахаби футболи Тоҷикистон ба тими “Ал-Аҳл”-и Баҳрайн даъват шуда буд.

Шодихони НАЗАР,"ҶТ"