Баҳри ба даст овардани Ҷоми раиси ВМКБ дар шаҳри Хоруғ мусобиқаҳои гуногуни варзишии кушоди шаҳрӣ оғоз шуданд.

Тавре аз Бахши кор бо ҷавонон ва варзиши шаҳр иттилоъ доданд, мусобиқаи волейбол байни 12 дастаи занона, баскетбол миёни 7 тими мардона ва теннис бо иштироки зиёда аз 35 нафар варзишгар то моҳи март идома меёбанд.

Бозиҳо байни маҳаллаҳои шаҳр ва варзишгарони навоҳии вилоят аз ҷониби Бахш ташкил гардида, ғолибон бо Ҷом, медал, ифтихорнома ва тӯҳфаҳои хотиравӣ қадрдонӣ карда мешаванд.