ВАРЗИШ
Душанбе 17 Январ 2022 05:40
1349
Олим Қурбонов, узви дастаи мунтахаби олимпии мамлакат, дар мусобиқаи шиноварӣ аз рӯи барономаи Бозиҳои XXXI тобистонаи олимпӣ дар Рио-де-Жанейрои Бразил дар гурӯҳи худ чаҳорум шуд.

Ба иттилои Хадамоти матбуоти Кумитаи олимпии мамлакат, Олим дар сабқати шиноварӣ ба масофаи 50 метр бо тарзи озод, ки 11 август баргузор шуд, дар гурӯҳи худ дар байни ҳашт нафар бо натиҷаи 25,77 сония мақоми чорумро ишғол кард. Дар ин гурӯҳ Ҳилол Ҳамид аз Танзания бо натиҷаи 23,70 сония ғолиб омад.

Умуман, дар шиноварӣ ба масофаи 50 метр бо тарзи озод 85 шиновар ширкат дошт. Олим аз 23 нафари онҳо пеш гузашт ва дар ҷойи 62-юм қарор гирифт.

Дар мусобиқоти интихобӣ Андрей Говоров аз Украина бо натиҷаи 21,49 сония ҷойи аввалро гирифт. Натан Адриан аз Иёлоти Муттаҳидаи Амрико бо натиҷаи 21,61 сония дуюм ва ҳамватанаш Антони Эрвин бо натиҷаи 21,63 сония сеюм шуданд.

Ҳамин тариқ, Олим Қурбонов аз ҳаққи ширкат дар даври баъдии мусобиқот ва идомаи мубориза барои медалҳои олимпӣ маҳрум гашт.  

Аз ин пеш ду варзишгари дигари Тоҷикистон - Анвар Юнусов (бокс, 60 кило) ва Комроншоҳ Устопириён (ҷудо, 90 кило) низ аз медали олимпӣ бенасиб монда буданд.

Имрӯз, - 12 август, дар намуди ҷудо Муҳаммадмурод Абдураҳмонов (+100 кг) ва оид ба шиноварӣ (50 метр, ба таври озод) Анастасия Тюрина вориди рақобат мешаванд.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

Январ 2022 c.