ВАРЗИШ
Ҷумъа 18 Октябр 2019 07:10
1278
Ба иттилои Хадамоти матбуоти Кумитаи олимпии мамлакат, бар асоси қуръакашӣ, ки дирӯз - 4 август баргузор шуд, рақиби муштзани тоҷик Анвар Юнсов дар нахустин даври интихобии мусобиқоти бокс дар вазни то -60 кило аз рӯи барномаи Бозиҳои XXXI тобистонаи олимпӣ дар шаҳри Рио-де-Жанейрои Бразил варзишгари Чин Ҷун Шан мебошад.

Ҷун Шан барои Анвар Юнусов ошност. Имсол ҳар ду бо ҳам ду бор рақобат кардаанд. Қувваозмоии аввал дар мусобиқоти интихобии олимпии қораи Осиё дар Чин бо пирӯзии Ҷун Шан хотима ёфта буд. Дар мусобиқоти ҷаҳонии олимпӣ, ки моҳи июн дар пойтахти Озарбойҷон – шаҳри Боку – баргузор шуд, Анвар Юнусов қасоси бохтро гирифт.

Қувваозмоии ҳар ду дар Олимпиадаи Рио бегоҳи 6-уми август соати 17:00 ба вақти маҳаллӣ ва соати 1-и шаби 7-уми август ба вақти Душанбе шуруъ мешавад.

Зимнан, Анвар Юнусов дар байни варзишгарони тоҷик, ки дар Олимпиадаи Рио ширкат мекунанд, аввалин шуда ба мусобиқа шуруъ менамояд. Дар мавриди пирӯзӣ рақиби Анвар дар даври баъдӣ, ки рӯзи 9-уми август доир хоҳад шуд, муштзани маъруфи бразилӣ Робсон Консеикао мешавад. Бар асоси қуръакашӣ вай бидуни даври аввал ба даври дуюм роҳ ёфтааст.

Робсон барандаи медали нуқра (соли 2013, Алмаатои Қазоқистон) ва медали биринҷии чемпионати ҷаҳон (2015, Қатар) мебошад.

Рақиби паҳлавони тоҷик Комроншоҳи Устопириён бошад, дар нахустин даври мусобиқоти ҷудо дар вазни то 90 кило аз рӯи барномаи Бозиҳои XXXI тобистонаи олимпӣ дар шаҳри Рио-де-Жанейрои Бразил варзишгари Гурҷистон Варлам Липартелиани мебошад.

Варлам Липартелиани паҳлавони номдор ва пуртаҷриба буда, соли 2015-ум дар чемпионати ҷаҳон дар Остонаи Қазоқистон дар вазни -90 кило соҳиби медали биринҷӣ гардидааст. Вай қаҳрамони ҳафткаратаи Аврупо ва ғолиби бисёркаратаи Гран-при ва Grand Slam (Тоскулоҳи бузург) мебошад. Ӯ дар рейтинг ё радабандии ҷаҳонии зӯртарин варзишгарони ҷудо дар ҷойи сеюм аст.

Мураббии Комроншоҳ Владимир Елчанинов гуфт, "Комроншоҳ бо паҳлавони гурҷӣ Варлам Липартелиани ягон бор қуввваозмоӣ накардааст. Дарвоқеъ, Комроншоҳ бисёр мехост, ки бо Варлам рақобат кунад ва инак ин орзуяш амалӣ мешавад. Ӯ ба қувваозмоӣ муқобили Варлам ҳамаҷониба омодааст ва барои пирӯзӣ ҷаҳду ҷадал хоҳад кард”.      

Қувваозмоии Комроншоҳ ва Варлам дар Олимпиадаи Рио 10-уми август, соати 10-и пагоҳӣ ба вақти маҳаллӣ ва соати 18-и бегоҳӣ ба вақти Душанбе шуруъ мешавад.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

Октябр 2019 c.