Дастаи “Истиқлол”-и шаҳри Душанбе ва “Куктош”-и ноҳияи Рӯдакӣ дар бозии нимниҳоии Ҷоми ФФТ-2019 рақибҳояшонро шикаст дода ба даври финалӣ роҳ ёфтанд. Тими “Истиқлол” бо дастаи “Душанбе 83” бозӣ анҷом дода ба дарвозаи ҳариф 5 голи беҷавоб зад. Дар қисмати аввали дидор бо голи задаи Алишер Ҷалилов (33) нимҳимоятгари дастаи “Истиқлол” футболбозон ба танаффус баромаданд. Дар оғози қисми дуюм аз ҷониби сармураббии дастаи “Истиқлол” Ҳаким Фузайлов яку як бора чаҳор тағирот ба миён омад. Ин дигаргунӣ таъсири худро ба рафти бозии дастаи “Истиқлол” расонд. Дар ин қисмат Шериддин Бобоев (52), Эҳсони Панҷшанбе (63) ва Комрон Турсунов (59, 88) ба дарвозаи Фаромурз Саидов чор гол ворид намуда, дастаи “Истиқлол”-ро панҷумин маротиба ба бозии финалии Ҷоми ФФТ бароварданд.

Инчуни барои роҳ ёфтан ба даври финалӣ дастаҳои “Регар-ТадАЗ”-и шаҳри Турсунзода ва “Куктош”-и ноҳияи Рӯдакӣ бо ҳам рақобат намуданд. Дар ин бозӣ дастаи “Куктош” ҳарифашро бо ҳисоби 3-1 шикаст дода, роҳхати бозии финалиро ба даст овард.

Анакнун, 5-уми март дастаи “Истиқлол” бо тими “Куктош” барои дарёфти Ҷом рақобат мекунанд. Дастаи “Душанбе 83” бошад барои зинаи сеюм бар муқобили “Регар-ТадАЗ” неру месанҷад.

Ёдовар мешавем, ки Ҷоми ФФТ аз соли 2012 шуруъ шуда, ин мавсим маротибаи ҳаштум баргузор мешавад.