Имрӯз, 5 октябр, бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Федератсияи дзюдои Тоҷикистон дар шаҳри Ваҳдат Мусобиқаи байналмилалӣ оид ба дзюдо барои дарёфти Ҷоми Президенти Ҷумҳурии Тоҷикистон дар вазни 90 кг соати 15:00 оғоз мешавад. Маросими расмии ифтитоҳи он барои ҷойҳои ифтихорӣ соати 18:00 муайян карда шудааст.

Дар мусобиқаи мазкур варзишгарон аз 15 кишвари дунё: Қазоқистон, Қирғизистон, Афғонистон, Покистон, Эрон, Русия, Германия, Непал, Япония, Беларус, Украина, Голландия, Америка ва Куба иштирок намуда, дар вазни 90 кг қувваозмоӣ менамоянд.

Дар Мусобиқаи байналмилалӣ оид ба дзюдо барои дарёфти Ҷоми Президенти Ҷумҳурии Тоҷикистон Тоҷикистонро 20 нафар варзишгарони маъруфи муаррифӣ мекунанд.

Барои ғолиби ҷои якум 7 ҳазор доллар, ҷои дуюм 4 ҳазор доллар ва 2 ҷои сеюм 2 ҳазор доллари ИМА мукофот муайян карда шудааст.

Ёдовар мешавем, ки бори панҷум аст, ки дар Тоҷикистон Мусобиқаи байналмилалӣ оид ба дзюдо барои дарёфти Ҷоми Президенти Ҷумҳурии Тоҷикистон баргузор мегардад.