ВАРЗИШ
Шанбе 27 Апрел 2024 05:47
Омадани Ҷонона ба арсаи гӯштингирӣ аз таборе, ки ба варзиш ҳеҷ робитае надоштанд, ҳангомаи ҳақиқӣ буд. Модар борҳо кори хонаро ба ӯ ҳавола карда, худ дунболи муолиҷаи беморон мешуд, аммо меҳри гӯштин, ки дар вуҷудаш аланга мезад, ҷуз ин пеша дигар ҳеҷ кореро хуш надошт ва бо истифода аз фурсати муносиб дегу табақи модарро раҳо мекарду худро ба толори варзишӣ мерасонид. Маҳз талошу аз худ гузаштанҳо буд, ки Ҷонона Назароваро дар кӯтоҳтарин фурсат маҳбуби дили ҳазорон дӯстдори гӯштини миллӣ гардонид.
Барои бештар ошноӣ пайдо намудан бобати кору фаъолияти Ҷонона Назарова мо кӯшидем дар арафаи Иди бонувон аз корномаи ин таҳамтанбону ёд орем.
ДАСТГИРИИ ПАДАР
Ӯ муваффақияти бештари хешро ба падараш вобас-та медонад. Падари Ҷонона, Маҳмадалӣ Назаров марди хоксору ботамкинест, ки барои бароварда кардани мақсаду ҳадафи фарзандаш саҳми калон дорад.
Соли 2013 дар маҳаллае, ки Ҷонона зиндагӣ мекард, толори варзишӣ кушода гардид. Он рӯз баробари даҳҳо писари маҳалла шодии Ҷонона ҳам ҳадду канор надошт. Аз байни духтарон ӯ тани танҳо ба толор омад. Ҳамагӣ 7 сол дошт. Барои таълим додани наврасон дар самти гӯштин аз маркази шаҳри Кӯлоб Ҳасан Абдуллоев, устоди бомаҳорати гӯштин даъват гардида буд. Ҳасан Абдуллоев аз диди аввал Ҷононаро хуб пазируфт.
ҚАДАМҲОИ НАХУСТ
Оғози муваффақиятҳои Ҷонона аз гӯштинҳои ҷашну маросимҳо оғоз гардид. Хусусан, дар ҷашни Наврӯз на танҳо духтарон, ҳатто писарон аз маҳорати ӯ бим доштанд, чун яқин медонистанд, ки бо ӯ дастбагиребон шудан, ҷуз мағлубият дигар чизе ба кулворашон ворид намекунад. Падари Ҷонона умед дошт, ки имрӯз ё фардо духтараш машаққатҳои гӯштинро дида, тарки ин пеша мекунад, аммо баръакс рӯз ба рӯз меҳри гӯштин дар дилаш баштар реша медавонид ва чун дид, ки духтараш бузург мегардад, дигар иҷозат надод, ки ба тамрини гӯштин машғул шавад. Вале пофишории Ҷонона ва миёнаравии устодаш Ҳасан Абдуллоев дигарбора падари Ҷононаро водор намуд, то ба ӯ иҷозаи тамрин диҳад.
Дар як фурсати кӯтоҳ шуҳрати Ҷонона аз толори варзишиву маҳаллаи зисташ берун рафта, аксар шаҳру ноҳияҳои Хатлонро фаро гирифт. Ҳеҷ гӯштини наврӯзӣ бе ҳузури ӯ рангу бӯ надошт ва ҳар дафъа ҳам дар майдон рақибонаш писарон буданд, ки кам нафарашон ӯро мағлуб карда метавонист.
Баромади нахустини Ҷонона Назарова дар майдонҳои бузургу касбитар дар мусобиқаи гӯштини миллӣ, ки бахшида ба 30-солагии Истиқлолият баргузор гардида буд, ба шумор меравад. Ҷонона дар ин мусобиқа байни бонувон ҷавонтарин иштирокчӣ маҳсуб меёфт. Ӯ ҳамагӣ 16 сол дошт. Беҳтарин партофти мусобиқа ҳам байни бонувон ба номи Ҷонона сабт гардид, ки муқобили ҳарифи белорусаш анҷом дод.
Навобаста аз таҷрибаи ками майдондорӣ дар майдонҳои бузург, дар ин мусобиқа Ҷонона ба гирифтани мақоми севум шараф-ёб гардид, ки арзишаш волотар аз ҳар унвону шоҳҷоизаҳо буд.
РӮЗИ БУЗУРГ
Рӯзи 27-уми июни соли 2022 Ҷоми раиси шаҳри Душанбе бахшида ба рӯзи Ваҳдати миллӣ дар шаҳри Душанбе баргузор гардид, ки ин мусобиқа дар ёду хаёли Ҷонона ҳамсони ҳарфҳои заррин ҳаккокишуда боқӣ хоҳад монд. Чун ин мусобиқа заҳмати чандинсолаи қаҳрамони моро баҳогузорӣ кард. Омодагии Ҷонона ба ин мусобиқа дар сатҳи баланд буд ва ин заҳмату талош билохир ӯро ба муроди дил расонид.
Дар мусобиқаи мазкур байни бонувон танҳо як вазн, яъне вазни 60 кг вуҷуд дошт, ки 6 бонуро барои гирифтани мақоми ифтихорӣ ҷамъ оварда буд. Ҷонона барои баромадан ба даври ниҳоӣ Аҳлия Муминоваро мағлуб намуда, дар финал ба рақиби ботаҷрибаву хавфнок Фазилат Боева дастболо гардид.
Нақшаву ҳадафи Ҷонона бо гирифтани Ҷоми раиси шаҳри Душанбе хотима наёфт, балки ӯро таҳрик дод ба мусобиқаҳои боз ҳам бузургтару ҷиддитар. Рӯзҳои 11-12 уми феврали соли 2023 дар Қасри теннис ва маҷмааи варзиши обии шаҳри Душанбе, бо мақсади баланд бардоштани малакаи варзишгарон ва дарёфти чеҳраҳои нав ҷиҳати шомил шудан ба дастаи мунтахаби ҷудои Тоҷикистон мусобиқоти қаҳрамонии ҷудои Тоҷикистон миёни бузургсолон баргузор шуд, ки дар он 250 варзишгар аз ҳамаи манотиқи кишвар иштирок кард.
Дар ин мусобиқа занон дар ду вазн (-57 кг ва -63 кг), рақобат карданд. Ҷонона он рӯз бо вазни 63 кг баромад намуда, тавонист ба осонӣ то ба даври ниҳоӣ расад. Дар финал рӯёрӯи Ҷонона, Мавлуда Одинаева қарор дошт. Мавлудаи ботаҷриба ҳам муқобили Ҷонона Назарова коре карда натавонист ва ҳамин тавр ин гурдофаридбону бори аввал ғолиби мусобиқоти қаҳрамонии ҷудои Тоҷикистон миёни бузургсолон гардид.
18-уми феврали соли 2024 дар маҷмааи варзишии Донишгоҳи миллии Тоҷикистон мусобиқаи қаҳрамонии Тоҷикис-тон дар риштаи гӯштигирӣ доир гардид, ки дар он паҳлавонон аз ҳамаи манотиқи кишвар ширкат варзида, аз рӯи ҳафт вазн миёни мардон ва ду вазн байни занон рақобат карданд.
Ин дафъа Ҷонона Назарова вазни худро афзуда, зери вазни то 70 кг баромад намуд. Аз оғози рақобат кори Ҷонона ҳарф надошт. Ҷаҳду талоши аз сидқи дил боз ҳам ӯро ба даври ниҳоии мусобиқа бурд. Дар марҳилаи финалии мусобиқа ин дафъа рақиби андак не, балки Шоҳида Қаландарова, ғолиби чандинкаратаи гӯштини ҷудо ва гӯштингирии миллӣ, рӯёрӯи Ҷонона қарор гирифт.
Рақобати ин ду бону бисёр диданиву ҷолиб идома мекард, ҳеҷ кадоме нияти таслим шудан надошт. Чанд лаҳза наздик буд пушти Ҷонона ба замин расад, вале ҳар дафъа ҳам тавозунро нигоҳ дошта, ба по мехесту рақобатро идома медод. Дар лаҳзаҳои охир кори паҳлавондухтар омад кард ва бо усули ҳаллуки байни по Шоҳидаро ба замин яксон кард.
Ин ғолибият барои Ҷонона Назарова таърихӣ буд, чун ӯ тавонист пайиҳам се маротиба ғолиби мусобиқаҳои бунуфузи гӯштингирии Тоҷикистон гардад. Пас аз ин ғолибият ӯ имкон пайдо кард, ки бо ҳайати дас-таи мунтахаби Тоҷикистон дар мусобиқоти байналмилалӣ иштирок намояд.
Баъди ғолибият дар мусобиқаи қаҳрамонии Тоҷикистон дар риштаи гӯштигирӣ ин дафъа Ҷонона тамринҳоро ҷиддитар гирифта, бо ҳайати тими мунтахаби гӯштингирони кишвар дар манотиқи гуногуни Тоҷикистон машқҳои дастаҷамъии худро мегузаронад.
Дар тамринҳои субҳгоҳӣ, ки иборат аз давидану ҷаҳидан ва вазнбардорӣ аст, мураббияш Ҳасан Абдуллоев ӯро ҳамроҳӣ мекунад.
Ростӣ, барои бонувон, ки табиатан ҷисми нозук доранд, анҷоми чунин тамринҳои сангин бисёр заҳматталаб аст, аммо барои Ҷононае, ки тору пудаш аз варзиш бунёд ёфтааст, анҷоми чунин усулҳо об хӯрданро мемонад.
ФУТБОЛ
Дар ҳоли ҳозир Ҷонона баробари тамрини гӯштини миллӣ ва ҷудо, инчунин ба гӯштини тарзи озод ҳам мароқ зоҳир намудааст, ки ба ақидаи Искандари Рустам ӯро метавон яке аз саромадони ин навъи гӯштин дар кишвар эътироф кард. Ҷонона метавонад дар ин намуди гӯштин ҳам ба натиҷаҳои назаррас даст ёбад.
Вақтҳои охир Ҷонона Назарова ба футбол ҳам диққати ҷиддӣ медиҳад. Ӯ дар майдон на танҳо шавқманду бозингари қаторист, балки масъулияти капитании дастаи бонувони шаҳри Кӯлобро низ ба зима дорад.
ИФТИХОР
Имрӯз ҳар як сокини маҳаллаи Содиқови шаҳри Кӯлоб аз ҳамсояву ҳамшафат будан ба манзили Ҷонона гиребони ифтихор меафшонад. Имрӯз аз тифли 7-сола то пири 70-сола Ҷононаро эҳтиром мекунанд, пирони рӯзгордидаи маҳалла дуояш медиҳанду нав-расон бо умеди соҳиби шарафу шон гаштан аз ӯ пайравӣ мекунанд.
ОХИРСУХАН
Ҳоло роҳи Ҷонона роҳест, ки дар худ масирҳои душворгузару пурпечутоби зиёд дорад, аммо душвории роҳ ӯро ҳаргиз ҳаросон нахоҳад кард, чун ғунчаи навруста асту барои фатҳи ҳар қуллаву масир фурсату имкони зиёд дорад.
Яҳё МАҲМАДНАБИЕВ, "ҶТ"
Барои бештар ошноӣ пайдо намудан бобати кору фаъолияти Ҷонона Назарова мо кӯшидем дар арафаи Иди бонувон аз корномаи ин таҳамтанбону ёд орем.
ДАСТГИРИИ ПАДАР
Ӯ муваффақияти бештари хешро ба падараш вобас-та медонад. Падари Ҷонона, Маҳмадалӣ Назаров марди хоксору ботамкинест, ки барои бароварда кардани мақсаду ҳадафи фарзандаш саҳми калон дорад.
Соли 2013 дар маҳаллае, ки Ҷонона зиндагӣ мекард, толори варзишӣ кушода гардид. Он рӯз баробари даҳҳо писари маҳалла шодии Ҷонона ҳам ҳадду канор надошт. Аз байни духтарон ӯ тани танҳо ба толор омад. Ҳамагӣ 7 сол дошт. Барои таълим додани наврасон дар самти гӯштин аз маркази шаҳри Кӯлоб Ҳасан Абдуллоев, устоди бомаҳорати гӯштин даъват гардида буд. Ҳасан Абдуллоев аз диди аввал Ҷононаро хуб пазируфт.
ҚАДАМҲОИ НАХУСТ
Оғози муваффақиятҳои Ҷонона аз гӯштинҳои ҷашну маросимҳо оғоз гардид. Хусусан, дар ҷашни Наврӯз на танҳо духтарон, ҳатто писарон аз маҳорати ӯ бим доштанд, чун яқин медонистанд, ки бо ӯ дастбагиребон шудан, ҷуз мағлубият дигар чизе ба кулворашон ворид намекунад. Падари Ҷонона умед дошт, ки имрӯз ё фардо духтараш машаққатҳои гӯштинро дида, тарки ин пеша мекунад, аммо баръакс рӯз ба рӯз меҳри гӯштин дар дилаш баштар реша медавонид ва чун дид, ки духтараш бузург мегардад, дигар иҷозат надод, ки ба тамрини гӯштин машғул шавад. Вале пофишории Ҷонона ва миёнаравии устодаш Ҳасан Абдуллоев дигарбора падари Ҷононаро водор намуд, то ба ӯ иҷозаи тамрин диҳад.
Дар як фурсати кӯтоҳ шуҳрати Ҷонона аз толори варзишиву маҳаллаи зисташ берун рафта, аксар шаҳру ноҳияҳои Хатлонро фаро гирифт. Ҳеҷ гӯштини наврӯзӣ бе ҳузури ӯ рангу бӯ надошт ва ҳар дафъа ҳам дар майдон рақибонаш писарон буданд, ки кам нафарашон ӯро мағлуб карда метавонист.
Баромади нахустини Ҷонона Назарова дар майдонҳои бузургу касбитар дар мусобиқаи гӯштини миллӣ, ки бахшида ба 30-солагии Истиқлолият баргузор гардида буд, ба шумор меравад. Ҷонона дар ин мусобиқа байни бонувон ҷавонтарин иштирокчӣ маҳсуб меёфт. Ӯ ҳамагӣ 16 сол дошт. Беҳтарин партофти мусобиқа ҳам байни бонувон ба номи Ҷонона сабт гардид, ки муқобили ҳарифи белорусаш анҷом дод.
Навобаста аз таҷрибаи ками майдондорӣ дар майдонҳои бузург, дар ин мусобиқа Ҷонона ба гирифтани мақоми севум шараф-ёб гардид, ки арзишаш волотар аз ҳар унвону шоҳҷоизаҳо буд.
РӮЗИ БУЗУРГ
Рӯзи 27-уми июни соли 2022 Ҷоми раиси шаҳри Душанбе бахшида ба рӯзи Ваҳдати миллӣ дар шаҳри Душанбе баргузор гардид, ки ин мусобиқа дар ёду хаёли Ҷонона ҳамсони ҳарфҳои заррин ҳаккокишуда боқӣ хоҳад монд. Чун ин мусобиқа заҳмати чандинсолаи қаҳрамони моро баҳогузорӣ кард. Омодагии Ҷонона ба ин мусобиқа дар сатҳи баланд буд ва ин заҳмату талош билохир ӯро ба муроди дил расонид.
Дар мусобиқаи мазкур байни бонувон танҳо як вазн, яъне вазни 60 кг вуҷуд дошт, ки 6 бонуро барои гирифтани мақоми ифтихорӣ ҷамъ оварда буд. Ҷонона барои баромадан ба даври ниҳоӣ Аҳлия Муминоваро мағлуб намуда, дар финал ба рақиби ботаҷрибаву хавфнок Фазилат Боева дастболо гардид.
Нақшаву ҳадафи Ҷонона бо гирифтани Ҷоми раиси шаҳри Душанбе хотима наёфт, балки ӯро таҳрик дод ба мусобиқаҳои боз ҳам бузургтару ҷиддитар. Рӯзҳои 11-12 уми феврали соли 2023 дар Қасри теннис ва маҷмааи варзиши обии шаҳри Душанбе, бо мақсади баланд бардоштани малакаи варзишгарон ва дарёфти чеҳраҳои нав ҷиҳати шомил шудан ба дастаи мунтахаби ҷудои Тоҷикистон мусобиқоти қаҳрамонии ҷудои Тоҷикистон миёни бузургсолон баргузор шуд, ки дар он 250 варзишгар аз ҳамаи манотиқи кишвар иштирок кард.
Дар ин мусобиқа занон дар ду вазн (-57 кг ва -63 кг), рақобат карданд. Ҷонона он рӯз бо вазни 63 кг баромад намуда, тавонист ба осонӣ то ба даври ниҳоӣ расад. Дар финал рӯёрӯи Ҷонона, Мавлуда Одинаева қарор дошт. Мавлудаи ботаҷриба ҳам муқобили Ҷонона Назарова коре карда натавонист ва ҳамин тавр ин гурдофаридбону бори аввал ғолиби мусобиқоти қаҳрамонии ҷудои Тоҷикистон миёни бузургсолон гардид.
18-уми феврали соли 2024 дар маҷмааи варзишии Донишгоҳи миллии Тоҷикистон мусобиқаи қаҳрамонии Тоҷикис-тон дар риштаи гӯштигирӣ доир гардид, ки дар он паҳлавонон аз ҳамаи манотиқи кишвар ширкат варзида, аз рӯи ҳафт вазн миёни мардон ва ду вазн байни занон рақобат карданд.
Ин дафъа Ҷонона Назарова вазни худро афзуда, зери вазни то 70 кг баромад намуд. Аз оғози рақобат кори Ҷонона ҳарф надошт. Ҷаҳду талоши аз сидқи дил боз ҳам ӯро ба даври ниҳоии мусобиқа бурд. Дар марҳилаи финалии мусобиқа ин дафъа рақиби андак не, балки Шоҳида Қаландарова, ғолиби чандинкаратаи гӯштини ҷудо ва гӯштингирии миллӣ, рӯёрӯи Ҷонона қарор гирифт.
Рақобати ин ду бону бисёр диданиву ҷолиб идома мекард, ҳеҷ кадоме нияти таслим шудан надошт. Чанд лаҳза наздик буд пушти Ҷонона ба замин расад, вале ҳар дафъа ҳам тавозунро нигоҳ дошта, ба по мехесту рақобатро идома медод. Дар лаҳзаҳои охир кори паҳлавондухтар омад кард ва бо усули ҳаллуки байни по Шоҳидаро ба замин яксон кард.
Ин ғолибият барои Ҷонона Назарова таърихӣ буд, чун ӯ тавонист пайиҳам се маротиба ғолиби мусобиқаҳои бунуфузи гӯштингирии Тоҷикистон гардад. Пас аз ин ғолибият ӯ имкон пайдо кард, ки бо ҳайати дас-таи мунтахаби Тоҷикистон дар мусобиқоти байналмилалӣ иштирок намояд.
Баъди ғолибият дар мусобиқаи қаҳрамонии Тоҷикистон дар риштаи гӯштигирӣ ин дафъа Ҷонона тамринҳоро ҷиддитар гирифта, бо ҳайати тими мунтахаби гӯштингирони кишвар дар манотиқи гуногуни Тоҷикистон машқҳои дастаҷамъии худро мегузаронад.
Дар тамринҳои субҳгоҳӣ, ки иборат аз давидану ҷаҳидан ва вазнбардорӣ аст, мураббияш Ҳасан Абдуллоев ӯро ҳамроҳӣ мекунад.
Ростӣ, барои бонувон, ки табиатан ҷисми нозук доранд, анҷоми чунин тамринҳои сангин бисёр заҳматталаб аст, аммо барои Ҷононае, ки тору пудаш аз варзиш бунёд ёфтааст, анҷоми чунин усулҳо об хӯрданро мемонад.
ФУТБОЛ
Дар ҳоли ҳозир Ҷонона баробари тамрини гӯштини миллӣ ва ҷудо, инчунин ба гӯштини тарзи озод ҳам мароқ зоҳир намудааст, ки ба ақидаи Искандари Рустам ӯро метавон яке аз саромадони ин навъи гӯштин дар кишвар эътироф кард. Ҷонона метавонад дар ин намуди гӯштин ҳам ба натиҷаҳои назаррас даст ёбад.
Вақтҳои охир Ҷонона Назарова ба футбол ҳам диққати ҷиддӣ медиҳад. Ӯ дар майдон на танҳо шавқманду бозингари қаторист, балки масъулияти капитании дастаи бонувони шаҳри Кӯлобро низ ба зима дорад.
ИФТИХОР
Имрӯз ҳар як сокини маҳаллаи Содиқови шаҳри Кӯлоб аз ҳамсояву ҳамшафат будан ба манзили Ҷонона гиребони ифтихор меафшонад. Имрӯз аз тифли 7-сола то пири 70-сола Ҷононаро эҳтиром мекунанд, пирони рӯзгордидаи маҳалла дуояш медиҳанду нав-расон бо умеди соҳиби шарафу шон гаштан аз ӯ пайравӣ мекунанд.
ОХИРСУХАН
Ҳоло роҳи Ҷонона роҳест, ки дар худ масирҳои душворгузару пурпечутоби зиёд дорад, аммо душвории роҳ ӯро ҳаргиз ҳаросон нахоҳад кард, чун ғунчаи навруста асту барои фатҳи ҳар қуллаву масир фурсату имкони зиёд дорад.
Яҳё МАҲМАДНАБИЕВ, "ҶТ"
Хабарҳои дигар
Рӯзнома
Эзоҳи худро нависед