Дар мусобиқаи қаҳрамонии ҷаҳон оид ба ҷудо миёни собиқадорон (Veterans World Judo Championships 2016), ки дар шаҳри Форт-Лодердейли иёлати Флоридаи ИМА  ҷараён дорад, Парвиз Собиров соҳиби медали тилло гашт.

Парвиз дар вазни то 100 кило дар гурӯҳи М2 баромад намуда, бо ҳамаи ҳарифона пирӯз шуд. Ӯ то даври ниҳоӣ бар Грегори Каусеро (Фаронса), Венер Мелло (Бразилия) ва Дамиан Оҳара (Иёлоти Муттаҳидаи Амрико) ғолиб шуда, ба даври ниҳоӣ роҳ ёфт.

Парвиз дар қувваозмоии ниҳоӣ варзишгари Фаронса Яник Лавиалеро шикаст дода,  унвони қаҳрамони ҷаҳонро соҳиб гардид.
  
Рӯзҳои 18-20  дар гурӯҳи М3 Тоҷикистонро боз чаҳор варзишгар- Алишер Аламов (M3 -73 кг), Ҷавҳаршо Ёқубов (M3-81 кг), Мирзо Абдуллоев (M4-100 кг), Бозоралӣ Маҳмудов (M5-100 кг). намояндагӣ карданд, ки аз миёни онҳо танҳо Алишер Аламов мақоми ҳафтумро ишғол намуд.

Дар ҳисоби умумидаставӣ мунтахаби Тоҷикистон бо ишғоли як медали тилло ва як ҷойи ҳафтум мақоми 25-умро ишғол намуд.

Тими Фаронса бо гирифтани 42 медал – 17 тилло, 11 нуқра ва 14 биринҷӣ ҷойи аввал , мунтахаби ИМА бо касби 40 медал -12 тилло, 7 нуқра, 21 биринҷӣ мақоми дуюм ва  Бразилия бо  40 медал- 9 тилло, 13 нуқра ва 18 биринҷӣ  дар ҷойи сеюум қарор  доранд.