Парвиз Умарбоев ба ҳайати рамзии футболбозони Осиё ворид карда шуд.

Дар ин бора телеграмканали расмии раиси шаҳри Душанбе хабар медиҳад.

Мутахассисони ширкати Sofascore дастаи беҳтарин бозингарони Ҷоми Осиё дар Қатарро муаррифӣ намуд. Дар давоми тамоми мусобиқа дар шаҳри Давҳа онҳо ба бозингарони ҳамаи дастаҳо аз рӯи баромадашон баҳо доданд.

Дар натиҷа, 11 бозингари беҳтарин аъзоёни дастаҳои гуногун бо холҳои беҳтарини миёна дар тамоми мусобиқа ба ҳайати рамзӣ дохил шуданд. Ба ин тартиб футболбози тоҷик – Парвиз Умарбоев низ ба он шомил гардид.

Барои ба ин ҳайат ҷой додани беҳтаринҳои Осиё таҳлилгарон тамоми холҳои миёнаи бозиҳоро дар Ҷоми Осиё ҳисоб карда, тими рамзии худро аз беҳтаринҳо муайян карданд.

Яҳё МАҲМАДНАБИЕВ, “ҶТ”