Имрӯз- 26 феврал зимни баргузории як ҷаласаи васеъ дар шаҳри Бохтар роҳбарияти нави бошгоҳи футболи “Вахш”-ро муаррифӣ карданд.

Дар ин бора сомонаи расмии Федератсияи футболи Тоҷикистон хабар дод.

Ҳамакнун Зайнулло Шарифзода президенти бошгоҳи футболи “Вахш” - қаҳрамони секаратаи Тоҷикистон гардид.

Ба ҷойи Исроил Шарифов, ки тайи се даҳсола директори дастаи “Вахш” буд мутахассиси маъруф Муҳсин Муҳаммадиев таъйин шуд.

“Роҳбарияти нави “Вахш” дар назди даста вазифа гузошт, ки ба лигаи олии Чемпионати Тоҷикистон баргардад ва анъанаҳои бошгоҳ – барои ҷоизаҳо мубориза бурдан ва барои яккачини Тоҷикистон омода кардани бозигаронро идома диҳад”,-омадааст дар хабари ФФТ.