Бозиҳои XXIII зимистонаи олимпӣ, ки 9 феврал дар Кореяи Ҷанубӣ оғоз шуда буд, 25 феврал дар майдони олимпии Пхёнчхан маросими пӯшидашавиаш доир гардид.

Дар он Норвегия аз ҳисоби даставӣ бо ба даст овардани 39 медал (14 тилло, 14 нуқра ва 11 биринҷӣ) зинаи аввалро касб намуд.

Зинаҳои дуюм ва сеюмро бошад, Олмон (31 медал: 14 тилло, 10 нуқра, 7 биринҷӣ) ва Канада (29 медал: 11 тилло, 8 нуқра, 10 биринҷӣ) соҳиб шуданд.

Дар Бозиҳои XXIII зимистонаи олимпӣ 2500 варзишгар аз 92 кишвари ҷаҳон иштирок намудаанд.

Дар умум ба варзишгарони ғолиб 102 ҷуфти медал аз рӯи 7 навъи варзиш (15 ришта) супорида шуд.

Дар маросими пӯшидашавӣ Томас Бах, президенти Кумитаи байналмилалии Олимпӣ парчами Бозиҳои зимистонаи олимпиро ба мизбони оядаи мусобиқот супорид.

Бозиҳои XXIV зимистонаи олимпӣ соли 2022 дар шаҳри Пекини давлати Чин баргузор мегардад.

Маҳмуд ҶУРАЕВ