ВАРЗИШ
Ҷумъа 21 Июн 2024 06:27
3864
14 феврал дар бозиҳои ниманиҳоии Ҷоми Федератсияи Футболи Тоҷикистон дастаҳои «Регар – ТадАЗ»-и Турсунзода ва «Истиқлол»-и Душанбе бар ҳарифони худ ғолиб омада ба даври ниҳоӣ роҳ ёфтанд.

Бозии аввал миёни дастаҳои «КМВА – Помир» (Душанбе) ва «Регар – ТадАЗ» (Турсунзода) сурат гирифта, ғолиб дар 90 дақиқаи вақти асосӣ муайян нагардид. Дар дақиқаҳои иловагӣ тимҳо ба дарвозаҳои якдигар як голӣ ворид кардан ва кор то ба зарбаҳои 11 метра расид.

Дар иҷрои задани пеналти дарвозабони дастаи «Регар – ТадАЗ», Рустам Ризоев аз худ малакаи олӣ нишон дода, ду зарбаро баргардон ва дастаи худро ба даври ниҳоӣ баровард.

Дар рақобати дуюм дастаи «Истиқлол» бар ҳарифи худ дастаи «Панҷшер»-и ноҳияи Абдураҳмони Ҷомӣ бо ҳисоби бузурги 1:5 ғолиб омада ба даври ниҳоӣ роҳ ёфт.

Финали Ҷоми Федератсияи Футболи Тоҷикистон рӯзи 15 феврал соати 12:00 дар варзишгоҳи марказии шаҳри Душанбе баргузор мегардад.

Ҷураев МАҲМУД, коромӯзи “ҶТ”

Эзоҳи худро нависед



Рамзҳо дар расм