ВАРЗИШ
Якшанбе 18 Август 2019 09:54
6346
Имрӯз 8 август, дар бинои Душанбе – плазаи шаҳри Душанбе бо мақсади сазовор таҷлил намудани Рӯзи варзишгарони Тоҷикистон вохӯрии ду насл: собиқадорон ва устодони соҳаи варзиш бо варзишгарони маъруф ва ҷавони кишвар доир гардид.

Чорабинии мазкур аз ҷониби Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Кумитаи миллии олимпии кишвар таҳти сарпарастии президенти Федератсияи футболи Тоҷикистон, муҳтарам Рустами Эмомалӣ бахшида ба Рӯзи варзишгарони Тоҷикистон доир шуда, дар он собиқадорони соҳаи варзиш, устодону мураббиён ва варзишгарони маъруфи кишвар иштирок ва фикру андешаҳои худро иброз намуданд.

Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдуллозода Аҳтам Рустам зимни баромади хеш дар вохӯрӣ гуфт: -Дар заминаи сиёсати варзишпарваронаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар кишвар 9835 иншооти варзишӣ новобаста аз шакли моликияташон фаъолият намуда истодаанд, ки аз ин 122 варзишгоҳ, 6991 майдончаи варзишӣ, 1766 толорҳои варзишӣ, 88 ҳавзҳои шиноварӣ ва 791 маҷмааҳо, иншооти махсуси варзишӣ аз қабили тир, боулинг, фитнес ва клубҳои ихтиёрӣ фаъолият менамоянд, ки тавассути ин татбиқи сиёсати варзишии кишвар ба мақсад мувофиқ аст. 

Дар идома таъкид шуд, ки дар заминаи дастуру ҳидоятҳо ва сиёсати созандаи Пешвои муаззами миллат, муҳтарам Эмомалӣ Раҳмон дар нимсолаи аввали соли 2019 дар шаҳру ноҳияҳои ҷумҳурӣ 125 иншооти варзишӣ бо харҷи зиёда аз 33 миллиону 69 ҳазору 706 сомонӣ сохта ба истифода дода шудааст, ки ин барои фароҳам овардани инфрасохтори зарурӣ ҷиҳати рушди тарбияи ҷисмонӣ ва инкишофи варзиш дар кишвар мусоидат менамояд. Бо мақсади ҷалби наврасону ҷавонон ба варзиш дар ҷумҳурӣ 140 мактабҳои варзишӣ ройгон амал менамоянд, ки дар онҳо 3989 гуруҳ бо теъдоди 47930 машқварз аз ҷумла 5958 нафар бону ба машқу тамрин фаро гирифта шудаанд.

Дар вохӯрӣ ҳамзамон собиқадорони соҳа аз пешравию дастовардҳои варзишгарони кишвар хуб истиқбол намуда, ин ҳамаро натиҷаи заҳмату талошҳои беназири Пешвои маҳбуби миллат дониста, миннатдории бепоёни худро ба Пешвои маҳбуби миллат муҳтарам Эмомалӣ Раҳмон баён намуданд. 

Дар охир, раиси кумита ба собиқадорони соҳа туҳфаҳои хотиравӣ ва ифтихорнома тақдим намуданд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1

Август 2019 c.