ВАРЗИШ
Душанбе 14 Октябр 2019 06:08
2475
Президенти Федератсияи футболи Тоҷикистон Рустам Эмомалӣ шоми дирӯз, 21 феврал, бо пахши тугма ба фаъолияти канали телевизионии “Футбол” оғоз бахшид.

ТВ “Футбол” аввалин канали телевизионии махсуси Тоҷикистон аст, ки дар формати муосири HD 24 соат барнома пахш мекунад. Он бозиҳои тими миллии кишвар, Лигаи футболи Тоҷикистон – лигаи олӣ, лигаи аввал, чемпионат ва мусобиқоти Конфедератсияи футболи Осиё – лигаи чемпионҳо ва Ҷоми КФО, чемпионати Осиё, ҳамчунин чемпионатҳои миллии минтақаи Осиёро намоиш медиҳад. Мухлисони футбол, инчунин бозиҳои лигаи қаҳрамонҳои UEFA ва лигаи Аврупо, премйер-лигаи Англия, ла-лигаи Испания, серияи “А”-и Италия, бундеслигаи Олмон, лигаи 1-и Фаронса, Ҷоми Амрико ва дигар бозиҳои чемпионатҳои Аврупоро метавонанд аз “Футбол” тамошо кунанд.



Дар канали нав барномаҳо оид ба футбол, ситораҳои футбол, таърихи кулбҳо, қаҳрамонҳо ва клубу дастаҳои мунтахаби машҳур пахш хоҳад шуд.

Рустам Эмомалӣ дар суҳбат ба сомонаи расмии Федератсияи футболи Тоҷикистон гуфтааст:
“Футбол яке аз машҳуртарин ва фарогиртарин намуди варзиш аст, ки ба сиҳатии аҳолӣ, дӯстии миллатҳо мусоидат мекунад. Ҳукумати мамлакат футболро яке аз самтҳои асосии сиёсати иҷтимоии давлат дониста, барои рушди он ва ҷалби бештари аҳолӣ ба футбол корҳои назаррасро амалӣ менамояд. Ҳамин буд, ки соли 2014 дар Тоҷикистон Соли оммавияти футбол эълон шуд. Ба ифтихори Соли ҷавонон, ки аз тарафи Пешвои миллат, Президенти Тоҷикистон, муҳтарам Эмомалӣ Раҳмон эълон гардид, ФФТ тасмим гирифт, канали телевизионии “Футбол”-ро таъсис диҳад. Мақсад аз таъсиси ТВ “Футбол” дарёфти истеъдодҳо аз миёни наврасону ҷавонон, таблиғи тарзи ҳаёти солим ба воситаи футбол мебошад. Дар ин кори хайр воситаҳои ахбори омма, хусусан ТВ “Футбол” нақши муҳим бозида метавонанд”.

Президенти ФФТ афзудааст: “Аз номи Федератсияи футболи Тоҷикистон мухлисон ва дӯстдорони футболро бо ифтитоҳи канали телевизионии “Футбол” таҳният мегӯям. Ба эфир баромадани канали телевизионии “Футбол” ба оммавияти бештари варзиш, хусусан футбол дар мамлакат мусоидат хоҳад кард”.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

Октябр 2019 c.