ВАРЗИШ
Якшанбе 16 Июн 2019 03:29
5531
Дар 38-ум ҷаласаи Ассамблеяи Шӯрои олимпии Осиё (ШОО), ки 3 март дар шаҳри Бангкоки Шоҳигарии Тайланд баргузор шуд, Президенти Федератсияи футболи Тоҷикистон Рустами Эмомалӣ узви Кумитаи иҷроияи шӯро интихоб гардид. Рустами Эмомалӣ дар давраи гузашта узви Кумитаи муносибатҳои байналмилалии ШОО буд.

Дар ин бора сомонаи расмии Кумитаи миллии олимпии Ҷумҳурии Тоҷикистон хабар додааст. Ба иттилои сомонаи мазкур дар ҷаласа Тоҷикистонро муовини Президенти Кумитаи миллии олимпӣ Абдуллозода Аҳтам ва котиби генералии Кумита Абдуллозода Муҳаммадшо намояндагӣ карданд.

Дар асоси рӯзномаи ҷаласа ҳисоботи комиссияҳои доимамалкунандаи ШОО, комиссияи интихоботӣ, комиссияи зан ва варзиш шунида шуд. Шайх Аҳмад Ал-Фаҳад Ал-Сабоҳи кувайтӣ маротибаи ҳаштум дар давраи солҳои 2019-2023 раиси ШОО интихоб гардид.

Дар ҷаласа қарор қабул карда шуд, ки дар Бозиҳои Осиё-2022 дар Ҳангжоу кишварҳои Уқёнус низ даъват хоҳанд шуд. Шумораи варзишгарон ва дар кадом намуди варзишҳо баромад кардани онҳо баъдтар эълон мешавад. Ин тасмим ба иштироки фаъолонаи кишварҳои Уқёнус дар Бозиҳои осиёии дохили толор ва ҳунарҳои размии соли 2017 дар Ашқобод алоқамандӣ дорад.

Президенти Кумитаи миллии олимпии Уқёнус Робин Митчел, ки дар ҷаласаи Ассамблеяи генералии ШОО ҳузур дошт, гуфт: “Мо бисёр хушҳол шудем. Уқёнус ва Осиё аз лиҳози муносибатҳои иқтисодӣ ва сиёсӣ хеле наздиканд. Акнун мо дар варзиш ҳам муттаҳид мешавем”.

Дар ҷаласа, инчунин тасмим гирифта шуд, ки намуди варзиши крикет ба Бозиҳои Осиё дар Ҳангжоу бармегардад. Скейтбординг низ, ки бори аввал ба барномаи Бозиҳои олимпии Токио-2020 ворид гардидааст ва ба барномаи Бозиҳои Париж-2024 низ хоҳад гузашт, ба барномаи Бозиҳои Осиё дар Ҳангжоу ворид шуд.
Барномаи Бозиҳои Осиё-2018 (Ҷакарта-Палембанг) аз 42 намуди варзиш иборат буд. Кумитаи тадорукоти Бозиҳои Ҳангжоу-2022 ин шумораро то 40 кам карданианд. Ҳамчунин онҳо тасмим гирифтаанд, ки шумораи иштирокчиёнро низ аз 11720 нафар дар Ҷакарта-Палембанг то 10000 нафар кам кунанд. Вале маълум нест, ки ин шумора бо дарназардошти варзишгарони Уқёнус ҳаст ё не.

Санаи баргузории Бозиҳои Осиё-2022 аз 10 то 25 сентябр тасдиқ шуд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Июн 2019 c.