ВАРЗИШ
Шанбе 17 Ноябр 2018 02:52
5026
Дар шаҳри Актауи Қазоқистон Ҷоми Осиё оид ба дзюдо баргузор шуд, ки варзишгарони мо сазовори ду медал гардиданд.

Мусобиқаи мазкур 3-4 ноябр бо иштироки 76 варзишгар (56 мард, 20 зан) аз 7 кишваригузаронида шуд.

Саидҷалол Саидов, паҳлавони шинохтаи кишвар дар вазни -100 кило сазовори медали тилло ва Хайёмиддин Ҷабборов дар вазни -73 кило медали нуқраро ба гардан овехтанд.

Саидҷалол мусобиқаро аз даври нимфинал оғоз карда, бар варзишгари мизбон Алман Калиев ғалаба кард. Ӯ дар финал намояндаи дигари кишвари мизбон Жассулан Муҳаметхановро шикаст дод.

Хайёмиддин бошад, дар даври чорякфинал бар варзишгари мизбон Еркебулан Аманкос ғалаба карда, ба нимфинал роҳ ёфт. Дар ин давр бар намояндаи дигари кишвари мизбон Нурлан Аразалин дастболо шуд, вале дар финал аз варзишгари Юнон Ҷорҷиос Азоидис шикаст хурд.

Аз ҷумҳурии мо Иброҳим Саидакбаров низ дар вазни -73кг иштирок кард, аммо дар рақобати аввал аз Бауржан Сагингалиулуи қазоқистонӣ мағлуб шуд.

Тоҷикистон бо ду медал дар ҳисоби даставӣ баъд аз Қазоқистон ва Юнон ҷои сеюмро ишғол намуд.

222.jpg

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2

Ноябр 2018 c.