Дар даври аввали мусобиқоти интихобии Ҷоми Осиё-2019 тими миллии футболи Тоҷикистон бозиро бо дастаи Яман (1:2) бохт. Ин дидор шоми 28 март дар пойтахти давлати Қатар шаҳри Доҳа баргузор гардид.

Тибиқи қуръакашӣ Тоҷикистон дар гурӯҳи “Ғ” қарор дошт ва ин якумин дидори тими Тоҷикистон буд, ки бо шикаст анҷом ёфт.

Аз қисми аввали бозӣ футболбозони тоҷик бартариро дар инхтиёри худ доштанд. Парвизҷон Умарбоев, нимҳимоятгари мунтахаби Тоҷикистон дар дақиқаи 9-умми қисми аввали дидор тӯбро вориди дарвозаи мунтахаби Яман намуда ҳисобро кушод. Вале бозингарони тоҷик ин пешсафиро то охири қисми аввал дар ихтиёри худ нигоҳ дошта натавонистанд. Дар дақиқаи 41-уми бозӣ ҳимоятгари мунтахаби Тоҷикистон Давронҷон Эргашев тӯбро ба дарвозаи дастаи худ зада, ҳисобро баробар кард. Дар қисми дуюуми дидор баъди чанд ҳамлаҳои пайдарпайи мунтахаби Тоҷикистон, ки бе натиҷа анҷом ёфт, дар дақиқаи 63-юм Ала Муҳаммад Абдулло Ал-Сасӣ голи дуюми мунтахаби Яманро ба самар расонид. Футболбозони тоҷик таҳти роҳбарии сармураббӣ Ҳаким Фузайлов то охири бозӣ натавонистанд ҳисоби бозиро тағйир диҳанд. Ҳаминтавр ҳисоби бозӣ 1:2 бар нафъи мунтахаби Яман ба анҷом расид.

Сармураббии тими миллии Тоҷикистон Ҳаким Фузайлов барои ин дидор 23 бозингар – 3 дарвозабон, 8 ҳимоятгар, 8 нимҳимоятгар ва 4 ҳамлагарро бо худ бурд, ки бо чунин тарбиб мунтахаби Тоҷикистон ба майдон баромаданд: Абдуазиз Маҳкамов, Давронҷон Эргашев, Сиёвуш Асроров, Искандар Ҷалилов, Аҳтам Назаров, Нуриддин Давронов (Ҷаҳонгир Эргашев, 76), Ҷаҳонгир Алиев (Амирбек Ҷӯрабоев, 46), Фатҳулло Фатҳллоев (Нозим Бобоҷонов, 62), Умедҷон Шарифов, Парвизҷон Умарбоев, Манучеҳр Ҷалилов.

Бозии дигари гурӯҳи “Ғ” миёни тимҳои Филиппин ва Непал баргузор гардид, ки филиппиниҳо дар майдони худ мунтахаби Непалро бо ҳисоби 4:1 шикаст доданд. Бозии ояндаи мунтахаби Тоҷикистон дар мусобиқоти интихобии Ҷоми Осиё-2019 13 июн баргузор мегардад. Дар ин дидор Тоҷикистон дар майдони худ мунтахаби Филиппинро қабул мекунад.

Ҷоми Осиё-2019. Мусобиқоти интихобӣ
Гурӯҳи «F». Даври 1-ум
Мавқеи дастаҳо дар гурӯҳи “F”

Ҷ ДАСТАҲО   Б Ғ М Б Т И
1 Филиппин   1 1 0 0 4-1 3
2 Яман           1 1 0 0 2-1 3
3 Тоҷикистон 1 0 0 1 1-2 0
4 Непал         1 0 0 1 1-4 0

Бозиҳои боқимондаи гурӯҳи «F»:
Даври 2-юм
13 июн (сешанбе)
Тоҷикистон – Филиппин
Непал – Яман
Даври 3-юм
5 сентябр (сешанбе)
Непал – Тоҷикистон
Филиппин – Яман
Даври 4-ум
10 октябр (сешанбе)
Тоҷикистон – Непал
Яман – Филиппин
Даври 5-ум
14 ноябр (сешанбе)
Тоҷикистон – Яман
Непал – Филиппин
Даври 6-ум
27 марти 2018 (сешанбе)
Филиппин – Тоҷикистон
Яман – Непал
Гурӯҳи «А». Даври 1-ум
Мянмар – Ҳиндустон – 0:1
Қирғизистон – Макао – 1:0
Гурӯҳи «В». Даври 1-ум
Лубнон – Ҳонконг – 2:0
Гурӯҳи «С». Даври 1-ум
Афғонистон – Ветнам – 1:1
Урдун – Камбоҷа – 7:0
Гурӯҳи «D». Даври 1-ум
Умон – Бутан – 14:0
Молдив – Фаластин – 0:3
Гурӯҳи «Е». Даври 1-ум
Тайван – Туркманистон – 1:3
Баҳрайн – Сингапур – 0:0

Шодихони НАЗАР,”ҶТ”