ВАРЗИШ
Якшанбе 21 Апрел 2024 06:44
10010
Шоми имрӯз соати 19:00 дар Қасри теннис ва маҷмааи варзиши обии Душанбе “Шоми чемпионҳои Ассотсиатсияи байналмилалии бокс (IBA)” мусобиқаи бокси касбӣ баргузор мешавад. Дар мусобиқаи мазкур Тоҷикистонро чор нафар муштзан намояндагӣ мекунанд. Ба ҳайати муштзанони мо Шавкат Раҳимов, Баҳодур Усмонов, Акмал Убайдов ва Шамшер Саидов шомил шудаанд.

Рақобати асосӣ дар шоми мазкур ин рақобати Шарофутдин Атаеви рус бо Алфонсо Домингес аз Озарбойҷон барои камарбанди Ассотсиатсияи байналмилалии бокс (IBA) дар вазни -86 кг ба ҳисоб меравад. Мукофотпулӣ дар рақобати мазкур ба ғолиб 350 ҳазор доллар ва ба мағлуб 150 ҳазор доллар тақдим мешавад.

Дар шоми бокс ҳамчунин моро чанд мусобиқаи ҷолибу дидании дигар интизор аст. Мусобиқа байни муштзани тоҷик Шавкатҷон Раҳимов бо Эдуардо Нунеси мексикоӣ барои дарёфти унвони чемпионӣ аз рӯи версияи Федератсияи байналмилалии бокс (IBF) дар вазни 58,9 кг ва байни муштзани тоҷик Баҳодур Усмонов ва Ҷавид Чалабийев аз Озарбойҷон дар вазни 63,5 кг барои дарёфти унвони чемпиони Осиё аз зумраи мусобиқоти ин шом ба ҳисоб меравад.

Қайд кардан ба маврид аст, ки варзишгарон рӯзи гузашта дар Душанбе маросими вазнкашӣ ва рӯбарӯшавиро бо ҳарифонашон анҷом доданд, ки дар маросими мазкур муштзани бомаҳорат ва машҳур Рой Ҷонси амрикоӣ низ иштирок дошт.

Ҳошим РАҲМАТУЛЛОЕВ, “ҶТ

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Апрел 2024 c.