Сардори тими мунтахаби Олмон Бастиан Швайнштайгер хотимаи карерашро дар тими мунтахабаш эълон намуд.

Бозингари 31-солаи немис ин хабаро дар твиттер нашр намудааст.

Швайнштайгер аз соли 2004 дар тими мунтахаби Олмон 120 бози анҷом дода 24 гол задааст, ки ин чорумин нишондод дар таърихи тими мунтахабӣ Олмон мебошад.

Нимҳимоятгар дар чор чемпионати Европа ва се чемпионати Ҷаҳон аз мунтахабӣ Олмон бозӣ намуда, дар ин мусобиқаҳо тими мазкур соли 2008 мақоми дуюм, соли 2014 бошад қаҳрамони Аврупо гардида, дар чемпионати ҷаҳон солҳои 2006 -2010 тими Олмон соҳиби  медали биринҷӣ гардидаанд.
  
Ёдовар мешавем, ки Бастиан Швайнштайгер соли 2015 аз “Бавария”-и Олмон ба дастаи “Манчестер Юнайтед”-и Англия гузаштааст.

Мураббии нави “Манчестер Юнайтед” Жозе Моуриню 28 июл 9 нафар бозингарро аз дастаи асосӣ ба дастаи ҷавонони то 21 сола гузаронид ва қайд намуд, ки ин бозингарон  ӯҳдадоранд дастаро тарк намоянд, ё иҷора дода шаванд, ё ба таври доимӣ монанд. Швайнштайгер ҳам шомили ин нӯҳгона гардидааст.

Шаҳбоз КАРИМОВ, "ҶТ"