ВАРЗИШ
Душанбе 22 Октябр 2018 08:08
4730
Бахшида ба Рӯзи варзишгарон, 9-уми август, дар толори хурди мақомоти иҷроияи ҳокимияти давлатии ноҳияи Деваштич чорабинии тантанавӣ баргузор гардид.

Дар чорабинӣ Ҷӯразода Рустам Боймурод, раиси ноҳияи Деваштич, мудирони шӯъбаю бахшҳои мақомоти иҷроияи ҳокимияти давлатии ноҳия, роҳбарони ташкилоту корхонаҳои дахлдор, собиқадорони соҳаи варзиш, мураббиёну варзишгарони дорои дастовардҳои ноҳиявӣ, вилоятӣ, ҷумҳуриявӣ ва байналмилалидошта иштирок намуданд.

Ҷӯразода Рустам Боймурод, раиси ноҳияи Деваштич, зимни баромади хеш тамоми варзишгарон, мураббиён, масъулини соҳаи варзиш ва иштирокчиёни чорабиниро бо Рӯзи варзишгарон табрику муборакбод намуда, оид ба таваҷҷӯҳи доимии давлату Ҳукумати ҷумҳурӣ нисбати рушди соҳаи варзиш, оммавигардонии варзиш ва тадбирҳои андешидашуда ҷиҳати фароҳам овардани шароит барои ба варзиш машғул шудани варзишгарону ҷавонон, дастгириву ғамхориҳои пайвастаи Пешвои миллат нисбати ҷавонон ва варзишгарон суханронӣ намуданд.

Дар охири чорабинӣ ҷиҳати бунёди толору майдончаҳои варзишӣ ва бештар ба варзиш ҷалб намудани ҷавонону наврасон ба масъулини соҳа супоришҳо дода шуда, сипас ба як қатор мураббиён ва варзишгарони ноҳия сипоснома ва ба собиқадорони соҳаи варзиш туҳфаҳои хотиравии мақомоти иҷроияи ҳокимияти давлатии ноҳия супорида шуд.

Маратҷон ҶАББОРОВ, Узви бахши кор бо ҷавонон ва варзиши ноҳияи Деваштич






Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

Октябр 2018 c.