ВАРЗИШ
Шанбе 21 Сентябр 2019 08:09
2444
МУАЛЛИФ: ШЕРАЛӢ ҶАЛОЛОВ

Дирӯз таҳти раёсати Аҳтам Абдуллозода, раиси Кумитаи ҷавонон, варзиш ва сайёҳӣ бо мақсади иҷрои саривақтии дастуру супоришҳои Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон, ки дар мулоқот бо масъулин ва фаъолони шаҳри Душанбе дода шуданд, ҷаласаи корӣ баргузор карда шуд.

Дар ҷаласа муовинони раиси КҶВС, сардорони раёсатҳои тарбияи ҷисмонӣ ва инкишофи варзиш, ҷавонон, варзиш ва сайёҳии шаҳри Душанбе, директорони мактабҳои варзишии ҷумҳуриявӣ, шаҳри Душанбе ва дигар масъулини соҳа иштирок намуданд.

Аҳтам Абдуллозода иброз намуд, ки дар мулоқоти Пешвои миллат, муҳтарам Эмомалӣ Раҳмон бо масъулин ва фаъолони шаҳри Душанбе дар самти соҳаи тарбияи ҷисмонӣ ва инкишофи варзиш, ҷиҳати оммавигардонии он, дар ҳамкорӣ бо соҳибкорону тоҷирони бонангу номус бунёди мактабҳо ва муассисаҳои томактабӣ, толорҳо ва майдону марказҳои варзишӣ, инфрасохтори туристӣ ва фарҳангиву фароғатӣ ҷиҳати мусоидат ба густариши тарзи ҳаёти солим ва мақсаднок ба роҳ мондани фаъолияти муассисаву марказҳои варзишӣ, инчунин, танзими нархи хизматрасонӣ барои наврасону ҷавонон супоришҳои мушаххас дода шуд.

Барои амалӣ намудани супоришҳои Пешвои миллат дар ҳамкорӣ бо Мақомоти иҷроияи ҳокимияти давлатии шаҳри Душанбе гурӯҳи корӣ таъсис дода шуда, нақшаи бартарафкунии камбудиҳо ва таъмини иштироки оммавияти сокинон дар машқҳои пагоҳирӯзӣ, саҳни хобгоҳи донишгоҳу донишкадаҳо, майдончаҳои гуногуни варзишии маҳаллаҳо, ҷалби бештари дастпарварони муассисаҳои томактабӣ, мактабӣ ва олӣ ба он, ҷиҳати таҷлили рӯзи шанбе ҳамчун рӯзи варзиш ва солимгардонӣ тасдиқ гардид.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6

Сентябр 2019 c.