ВАРЗИШ
Шанбе 18 Август 2018 04:02
4725
Дар партави сиёсати варзишпарваронаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон бо мақсади оммавигардонии варзиш ва баланд бардоштани сатҳу сифати мураббиёну устодони варзиш, омода намудани кадрҳои баландихтисос дар самти тарбияи ҷисмонӣ ва инкишофи варзиш бо қарори Ҳукумати Ҷумҳурии Тоҷикистон аз 31 июли соли 2018, № 358 дар назди Кумитаи кор бо ҷавонон ва варзиши назди Ҳукумати Ҷумҳурии Тоҷикистон «Маркази такмили ихтисоси масъулини соҳаи тарбияи ҷисмонӣ ва варзиш» таъсис ёфт.

Марказ метавонад барои баланд бардоштани маҳоратии касбии мураббиёну устодони варзиш, ки дар саросари кишвар ба омода намудани варзишгарон ба мусобиқоти байналмилалӣ заминагузорӣ намуда, ҳамзамон барои омода намудани кадрҳои ҷавон дар самти тарбияи ҷисмонӣ ва инкишофи варзиш басо муфид арзёбӣ гардад.

Иқдоми мазкур аз ҷониби Ҳукумати Ҷумҳурии Тоҷикистон дар арафаи Рӯзи варзишгарони Тоҷикистон ва оғози Бозиҳои Осиёӣ ба сомон расид, ки ин барои мураббиёну варзишгарони Тоҷикистон туҳфаи арзандаест дар роҳи амалишавии ҳадафҳои ҳар як варзишгар.

Ҳамзамон, дар идомаи тадбирҳои андешидашуда дар самти тарбияи ҷисмонӣ ва инкишофи варзиш дар Тоҷикистон дар назди Кумитаи кор бо ҷавонон ва варзиш, хамчун макомоти ваколатдори давлати, сохтори нави «Шуъбаи кор бо дастаҳои мунтахаб» бо Қарори Ҳукумати Ҷумҳурии Тоҷикистон таъсис ёфт.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

Август 2018 c.