Тими мунтахаби занонаи Тоҷикистон (U-20) таҳти роҳбарии Юсуф Рабиев дар бозии дӯстона, ки дар Ҷидда баргузор шуд, бо дастаи Арабистони Саудӣ бозӣ карда, онҳоро шикаст доданд. Дар ин хусус аз Федератсияи футболи Тоҷикистон иттилоъ доданд.

Маврид ба ёдоварист, ки мунтахаби занонаи кишвр муқобили дастаи занонаи Арабистони Саудӣ бо ҳисоби 1:0 пирӯз шуд. Голи ягона ва ғалабаоварро Нозия Абдуғаффорова, ки аз ҳайати эҳтиётӣ ба майдон баромад, дар дақиқаи 90+5-уми вохӯрӣ ба дарвозаи ҳариф ворид намуд.

Бояд изҳор дошт, ки қаблан хубони футболбози тоҷик бо дастаи Арабистони Саудӣ бозии дӯстона анҷом дода буданд, ки бар муқобили онҳо бо ҳисоби 2:1 пирӯз шуда буданд.

Ҷасури ҚИЁМИДДИН, “ҶТ”