ВАРЗИШ
Сешанбе 23 Октябр 2018 10:30
4898
Дастаи мунтахаби наврасони Тоҷикистон оид ба футбол (U-16) дар даври чорякфинали Чемпионати Осиё-2018 бар тими наврасони ҶХД Корея ғалаба карда, ба нимфинал роҳ ёфт, ҳамчунин ҳаққи иштирок дар Чемпионати ҷаҳон-2019-ро ба даст овард.

Вохӯрии мазкур 30 сентябр, дар шаҳри Куала Лумпури Малайзия баргузор шуд. Вақти асосии дидор бо ҳисоби мусовии 1:1 анҷом ёфт. Ба голи задаи футболбози мо Рустам Соиров дар дақиқаи 14 футболбозони Кореяи Шимолӣ тавассути Ри Хуна дар дақиқаи 69 бо гол ҷавоб доданд. Сипас, дар задани зарбаҳои ёздаҳметра бахт ба рӯи футболбозони мо хандид (4:2). Дар задани зарбаҳои ёздаҳметра дарвозабони тими Тоҷикистон Муҳриддин Ҳасанов қаҳрамонӣ нишон дод. Ӯ ду зарбаро баргардонд.

Ҳамин тариқ, тими наврасони кишвар ба даври нимфинали Чемпионати Осиё-2018 роҳ ёфта, роҳхати Чемпионати ҷаҳон (U-17)-ро, ки соли оянда дар Перу ба нақша гирифта шудааст, ба даст оварданд.

Дар нимфинал 4 октябр шогирдони Зайниддин Раҳимов бо ғолиби ҷуфти Кореяи Ҷанубӣ-Ҳиндустон, ки имрӯз муайян мегардад, вомехуранд.
Ёдовар мешавем, ки тими наврасони Тоҷикистон оид ба футбол 11 сол қабл – соли 2007 дар чемпионати ҷаҳон дар Кореяи Ҷанубӣ ширкат карда буд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

Октябр 2018 c.