Тими мунтахаби занонаи ҷумҳурӣ оид ба футбол дар гурӯҳи “А” барои роҳхат гирифтан ба бозиҳои финалии Ҷоми Осиё-2018, рақобатҳоро оғоз менамоянд.
Мизбони бозиҳои гурӯҳи “А”-ро тими мунтахаби занонаи Тоҷикистон соҳиб гардидааст, ки ҳамаи бозиҳо дар варзишгоҳи марказии шаҳри Душанбе аз 3 апрели соли ҷорӣ оғоз мегардад.

Бояд қайд намуд, ки аз як гурӯҳ танҳо дастаи ғолиб ба бозиҳои финалӣ роҳхат мегирад. Тими мунтахаби занонаи кишвар дар гурӯҳи “А” бо дастаҳои Урдун, Баҳрайн, Ироқ, Аморати Муттаҳидаи Араб ва Филиппин ба майдон мебароянд.

Дар ҳоли ҳозир дастаи Урдун аз гурӯҳи “А” ҳамчун мизбони мусобиқоти Ҷоми Осиё-2018 роҳхатро ба даст оварадааст. Илова бар ин ғолибони Ҷоми Осиё -2014, Ҷопон, Австралия ва Чин, роҳхати бозиҳои финалии Ҷоми Осиё -2018 сазовор гардидаанд.

Тими занонаи Урдун агар дар гурӯҳи “А” мақоми аввалро касб намояд ҳам, дастае, ки сазовори ҷойи дуюм мегардад, роҳхати бозиҳои финалиро ба даст меорад.
Дирӯз аз гурӯҳи “А” тимҳои занонаи Урдун ва Баҳрай ба шаҳри Душанбе омаданд. Имрӯз дастаҳои боқимонда низ баҳри гузаронидани бозиҳои гуруҳӣ вориди пойтахти мамлакат хоҳанд гашт.

Тақвими бозиҳои гурӯҳи «А»
3 апрели (душанбе) даври1-уми
13:00 Баҳрайн - Урдун
16:00 Ироқ - ТОҶИКИСТОН
19:00 Филиппин – Аморати Муттаҳидаи Араб

5-уми апрели (чоршанбе) даври 2-юм
13:00 Филиппин - Ироқ
16:00 Баҳрайн - ТОҶИКИСТОН
19:00 Урдун - Аморати Муттаҳидаи Араб

7 апрел (ҷумъа) даври 3-юм
13:00 Аморати Муттаҳидаи Араб - Баҳрайн
16:00 ТОҶИКИСТОН - Филиппин
19:00 Урдун - Ироқ

10 апрел (душанбе) даври 4-ум
13:00 Ироқ - Аморати Муттаҳидаи Араб
16:00 ТОҶИКИСТОН - Урдун
19:00 Филиппин - Баҳрайн

12 апрели (чоршанбе) даври 5-ум
13:00 Урдун - Филиппин
16:00 Аморати Муттаҳидаи Араб - ТОҶИКИСТОН
19:00 Баҳрайн – Ироқ

Шаҳбози АСОМИДДИН, “ҶТ”