ВАРЗИШ
Якшанбе 08 Сентябр 2024 06:17
![9644](/upload/iblock/2ec/%D0%A4%D0%BE%D1%80%D1%83%D0%BC1.jpg)
Дар шаҳри Душанбе бо чунин унвон саввумин форуми варзишгарон баргузор гашт
Имрӯз - 18 август дар толори Ҳаят Реҷенсии шаҳри Душанбе сеюмин форуми шаҳрии варзишгарони пойтахт таҳти унвони “Варзиш - қосиди сулҳ, дӯстӣ, солимӣ ва зебоӣ” баргузор гардид.
Ташкилкунанда ва ҳамоҳангсозони форуми мазкур мақомоти иҷроияи ҳокимияти давлатии шаҳри Душанбе, Кумитаи кор бо ҷавонон ва варзиши назди Ҳукумати Ҷумхурии Тоҷикистон ва Раёсати кор бо ҷавонон ва варзиши шаҳри Душанбе маҳсуб меёфтанд, ки ҳамасола барои ҳавасманд гардонидани варзишгарони муваффақ чунин як форуми бонуфузро доир мекунанд.
Дар форум намояндагони вазорату идораҳо, мақомоти иҷроияи хокимияти давлатии шаҳри Душанбе ва ноҳияҳои он, Кумитаи миллии олимпӣ, федератсияҳои варзишӣ варзишгарони муассисаҳои варзишӣ омӯзгорони фанни тарбияи ҷисмонӣ ва дифои ҳарбии муассисаҳои таҳсилотии пойтахт иштирок доштанд.
Форум аз боздиди намояндагони даъватшуда, аз намоишгоҳи дастовардҳои дастпарварони муассисаҳои варзишии шаҳри Душанбе оғоз гардид.
Кисмати расмии форум пас аз садо додани Суруди миллӣ бо суханонии ифтитоҳии Шоҳзод Раҳимзода, сардори Раёсати кор бо ҷавонон ва варзиши шаҳри Душанбе оғоз гардид. Дар идома, Сиҷоудин Саломзода, муовини раиси шаҳри Душанбе, Парвиз Собирзода, муовини раиси Кумитаи кор бо ҷавонон ва варзиш, Мавзуна Чориева, директори иҷроияи Кумитаи миллии олимпӣ, Абдуллоев Муҳаммадшо, котиби генералии Кумитаи миллии олимпӣ суханронӣ намуда, мазмуну моҳияти форуми мазкурро ба иштирокчиён баён намуданд.
Дар қисмати дигари форум форум бошад як қатор варзишгарони муваффақи сол бо маблағҳои пулӣ, аз ҷумла:
- Усмонов Баҳодур, варзишгари ММВЗО №9 -и шаҳри Душанбе оид ба бокс - 5000 ҳазор сомонӣ;
- Эмомалии Нуралӣ, варзишгари ММВЗО №6- и шахри Душанбе оид ба намудҳои гӯштин - 4000 ҳазор сомонӣ;
- Шодмон Ризоев, варзишгари ММВЗО №6-и шаҳри Душанбе оид ба намудҳои гӯштин - 3000 ҳазор сомонӣ;
- Каримзод Наврӯз, гӯштингир - 3000 ҳазор сомонӣ;
- Халифаев Мулораҷаб, варзишгари ММВЗО №6 - и шаҳри Душанбе оид ба намудҳои гӯштин - 3000 ҳазор сомонӣ;
- Суфиев Меҳрдод, варзишгари ММВЗО №6-и шаҳри Душанбе оид ба намудҳои гӯштин бо 2000 ҳазор сомонӣ қадрдонӣ гардиданд.
Яҳё МАҲМАДНАБИЕВ, “ҶТ”
Эзоҳи худро нависед