ВАРЗИШ
Ҷумъа 22 Феврал 2019 01:07
5413
Имрӯз, 7-уми феврал, дар Муассисаи давлатии “Наврӯзгоҳи пойтахт”-и шаҳри Душанбе масъулини Кумитаи кор бо ҷавонон ва варзиши назди Ҳукумати ҷумҳурӣ ҷиҳати шарҳи Паёми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо варзишгарону устодони соҳа вохурӣ намуданд.

Назарзода Ризо, муовини аввали раиси Кумитаи кор бо ҷавонон ва варзиш, зимни суханронии хеш саҳми варзишгаронро барои оммавӣ гардонидани варзиш дар кишвар ва тарғиби тарзи ҳаёти солим баланд арзёбӣ карда, аз ҷумла иброз дошт: “Ҳукумати кишвар, махсусан Пешвои миллат ба варзишгарон таваҷҷуҳи хоса дошта, барои варзишгарон тамоми шароитро муҳайё кардаанд. Тараққӣ додани варзиш ва ташвиқу тарғиби тарзи ҳаёти солим дар байни наврасону ҷавонон низ яке аз самтҳои муҳимтарини фаъолияти сохтору мақомоти давлатӣ маҳсуб меёбад. Зеро наврасону ҷавонон ҳар қадар солим бошанд, давлату миллат низ ба ҳамон андоза нерӯманду тавоно мегардад”.

Дар идома таъкид гардид, ки ҷиҳати ҳавасманд гардонидани ғолибон ва ҷоизадорони мусобиқаҳои байналмилалии варзишӣ Ҷоизаи Президенти Ҷумҳурии Тоҷикистон таъсис дода шудааст. Дар тамоми мусобиқаҳои ҷаҳонӣ ба хотири варзишгар парчами давлаташ бардошта мешавад ва варзишгарон бояд ҳамеша барои ҳифзи парчаму миллати хеш талош варзанд.

Ёдовар мешавем, ки соли 2018 бо Амри Президенти Ҷумҳурии Тоҷикистон 76 варзишгари беҳтарин соҳиби ҷоизаи Президенти Ҷумҳурии Тоҷикистон гардиданд. Ин нишондод нисбат ба соли 2017 3 маротиба зиёд буда, маблағи он, ки аз фонди захиравии Президенти кишвар ҷудо мегардад, 931250 сомониро ташкил медиҳад.

Шаҳбози АСОМИДДИН,
Фируз АБДУРАҲМОНОВ, “ҶТ”



Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 1 2 3

Феврал 2019 c.