ВАРЗИШ
Якшанбе 08 Сентябр 2024 05:42
![9529](/upload/iblock/c0f/%2B7.jpg)
Дар Чемпионати Осиё оид ба гӯштини тарзи озод ва юнониву румӣ, ки 12-уми июл дар шаҳри Уммони кишвари Урдун миёни варзишгарони аз 15-сола то 20-сола оғоз шуду то 20-уми июл идома меёбад, дар рӯзи аввали он варзишгарони тоҷик аз намуди гӯштини юнониву румӣ ба гирифтани чор нишони ифтихорӣ даст ёфтанд.
Дар вазни 44кг Дамир Отаев баъди шикаст додани ҳарифи эронияш Муҳаммадҳусейн Ғуломҳасан Раҳимободӣ бо ҳисоби 6-4 дар рақобати финалӣ нишони тилло ва унвони қаҳрамони Осиё оид ба гӯштини юнониву румиро ба даст овард.
Дамир Отаев то расидан ба финал дар даври ниманиҳоӣ ҳарифи узбекаш Шоҳҷаҳон Ҷабборовро шикаст дода, дар даври чорякниҳоӣ бошад, бар Сункар Зарапи қазоқ бо ҳисоби 7-0 пирӯз гардид.
Нишони тиллои дигарро Алишер Рузимадов дар Чемпионати Осиё миёни наврасон дар вазни 75кг вориди хазинаи варзишии кишвар намуд. Ӯ дар финал муқобили Ризо Ардаван Карими Сармайдонӣ аз Эрон бо ҳисоби 7-0 дастболо шуда, унвони қаҳрамониро моли худ кард.
Дар вазни 52кг паҳлавони тоҷик аз Чемпионати Осиё бо нишони биринҷӣ бармегардад. Дар ин вазн Амирҷон Обидов нахуст ҳарифаш Йогеш Фалсвали ҳиндуро бо ҳисоби 10-9 мағлуб намуда, дар ниманиҳоӣ аз Ораздурди Сапармуратови узбек бо ҳисоби 0-9 шикаст хӯрд ва аз рақобати финалӣ бенасиб гардид. Баҳри ба даст овардани мақоми сеюм Амирҷон Обидов ҳарифи ироқияш Маҷид Аласархро ноком кард ва соҳиби нишони биринҷӣ гардид.
Як нишони биринҷии дигар аз ҷониби паҳлавони тоҷик дар вазни 57 кг ба даст омад. Дар ин вазн Шоҳҷаҳон Бобоев чун нафари ҷоизадор дар марҳилаи ҳазфӣ Зайд Салим Нагуҷи урдуниро бо ҳисоби 12-4 шикаст дода, ба марҳилаи чорякниҳоӣ роҳхат гирифт. Баҳри роҳхати марҳилаи ниманиҳоӣ Абдулҳадӣ Абдулмуваллад аз Арабистони Саудиро варзишгари тоҷик бо ҳисоби 9-0 шикаст дод, вале дар даври ниманиҳоӣ аз Досбол Жамили қазоқ бо ҳисоби 0-9 ноком гардид.
Дар рақобат баҳри ишғоли мақоми сеюм бошад, Шоҳҷаҳон Бобоев ҳарифи ироқияш Аҳмад Алмуҳсинро бо натиҷаи 9-1 дучори шикаст намуд.
Кишвари моро ҳамчунин варзишгарони дигар низ дар Чемпионати Осиё муаррифӣ намуданд, ки рақобатҳои хешро бо натиҷаҳои зерин ҷамъбаст намуданд.
Мурод Мунимӣ дар вазни 41кг баъди пирӯзӣ бар Нурдавлет Кумарулии қазоқ дар даври чорякниҳоӣ, аз Актан Эсентурови қирғиз дар даври ниманиҳоӣ шикаст хӯрд ва баъдан дар рақобат баҳри мақоми сеюм низ муқобили Аббос Омонбоеви узбек комёб шуда натавонист.
Дар вазни 48кг бошад, кишвари моро Маҳдӣ Баротов муаррифӣ намуд, ки дар аввалин рақобати хеш дар даври чорякниҳоӣ аз Шоҳҷаҳон Эшмурзоеви узбекистонӣ бо ҳисоби 6-10 ноком гардид.
Дар рақобатҳои гӯштини юнониву румӣ дар вазни 62кг ҳам кишвари моро як нафар муаррифгар буд. Ин ҳам Алиҷон Мирғиёсзода буд, ки нахуст дар марҳилаи ҳазфӣ ҳарифи ироқияш Муҳаммад Ал-Убайдиро мағлуб намуда, дар даври чорякниҳоӣ аз Оғабек Аскаралиеви узбекистонӣ бо натиҷаи 3-11 ноком гардид.
Намояндаи дигари кишвари мо Ғаниҷони Шероз бошад, дар вазни 68кг баромад намуда, дар даври чорякниҳоӣ аз Беҳрӯзбек Валиеви узбек бо натиҷаи 4-12 шикаст хӯрд.
Дар рӯзи дуввуми Чемпионати Осиё оид ба гӯштини тарзи озод ва юнониву румӣ, кишвари моро се варзишгар аз намуди гӯштини тарзи озод муаррифӣ намуданд.
Нахуст бояд аз Умар Раҳимов дар вазни 48кг гуфт, ки дар марҳилаи чорякниҳоӣ варзишгари мизбон Ҳамза Маҳмуд Нафишро бо ҳисоби 4-1 мағлуб намуда, ба даври ниманиҳоӣ роҳ ёфт.
Дар даври ниманиҳоӣ ҳарифи ироқияш Умар Абдулқодирро бо ҳисоби бузурги 11-0 шикаст дода, дар финал муқобили варзишгари узбекистонӣ Улуғбек Рашидов ба рақобат пардохт, вале дучори нокомӣ гардида, бо ҳамин бо медали нуқраи чемпионат қаноат намуд.
Намояндаи дигари кишвари мо дар рақобатҳои осиёии гӯштини тарзи озод Алиризо Баҳромов дар вазни 68кг буд, ки дар рақобат баҳри мақоми сеюм аз Кай Фуҷисеи ҷопонӣ шикаст хӯрд.
Ин варзишгари тоҷик дар даври чорякниҳоӣ Вардан Варданян аз Қазоқистонро шикаст дода, баъдан дар даври ниманиҳоӣ аз Суҷай Нагнат Танпурии ҳинду ноком шуд.
Идрис Баҳромов бошад, вақти рақобатҳо дар вазни 52кг дар аввалин муборизаи хеш дар марҳилаи ҳазфӣ аз Нишант Нишанти ҳиндӣ шикаст хӯрда, аз идомаи мусобиқа бенасиб монд.
Ҳамин тавр, тими миллии Тоҷикистон аз Чемпионати Осиё 6 медал - 2 тилло, 1 нуқра ва 3 медали биринҷӣ ба даст овард.
Яҳё МАҲМАДНАБИЕВ, “ҶТ”
Дар вазни 44кг Дамир Отаев баъди шикаст додани ҳарифи эронияш Муҳаммадҳусейн Ғуломҳасан Раҳимободӣ бо ҳисоби 6-4 дар рақобати финалӣ нишони тилло ва унвони қаҳрамони Осиё оид ба гӯштини юнониву румиро ба даст овард.
Дамир Отаев то расидан ба финал дар даври ниманиҳоӣ ҳарифи узбекаш Шоҳҷаҳон Ҷабборовро шикаст дода, дар даври чорякниҳоӣ бошад, бар Сункар Зарапи қазоқ бо ҳисоби 7-0 пирӯз гардид.
Нишони тиллои дигарро Алишер Рузимадов дар Чемпионати Осиё миёни наврасон дар вазни 75кг вориди хазинаи варзишии кишвар намуд. Ӯ дар финал муқобили Ризо Ардаван Карими Сармайдонӣ аз Эрон бо ҳисоби 7-0 дастболо шуда, унвони қаҳрамониро моли худ кард.
Дар вазни 52кг паҳлавони тоҷик аз Чемпионати Осиё бо нишони биринҷӣ бармегардад. Дар ин вазн Амирҷон Обидов нахуст ҳарифаш Йогеш Фалсвали ҳиндуро бо ҳисоби 10-9 мағлуб намуда, дар ниманиҳоӣ аз Ораздурди Сапармуратови узбек бо ҳисоби 0-9 шикаст хӯрд ва аз рақобати финалӣ бенасиб гардид. Баҳри ба даст овардани мақоми сеюм Амирҷон Обидов ҳарифи ироқияш Маҷид Аласархро ноком кард ва соҳиби нишони биринҷӣ гардид.
Як нишони биринҷии дигар аз ҷониби паҳлавони тоҷик дар вазни 57 кг ба даст омад. Дар ин вазн Шоҳҷаҳон Бобоев чун нафари ҷоизадор дар марҳилаи ҳазфӣ Зайд Салим Нагуҷи урдуниро бо ҳисоби 12-4 шикаст дода, ба марҳилаи чорякниҳоӣ роҳхат гирифт. Баҳри роҳхати марҳилаи ниманиҳоӣ Абдулҳадӣ Абдулмуваллад аз Арабистони Саудиро варзишгари тоҷик бо ҳисоби 9-0 шикаст дод, вале дар даври ниманиҳоӣ аз Досбол Жамили қазоқ бо ҳисоби 0-9 ноком гардид.
Дар рақобат баҳри ишғоли мақоми сеюм бошад, Шоҳҷаҳон Бобоев ҳарифи ироқияш Аҳмад Алмуҳсинро бо натиҷаи 9-1 дучори шикаст намуд.
Кишвари моро ҳамчунин варзишгарони дигар низ дар Чемпионати Осиё муаррифӣ намуданд, ки рақобатҳои хешро бо натиҷаҳои зерин ҷамъбаст намуданд.
Мурод Мунимӣ дар вазни 41кг баъди пирӯзӣ бар Нурдавлет Кумарулии қазоқ дар даври чорякниҳоӣ, аз Актан Эсентурови қирғиз дар даври ниманиҳоӣ шикаст хӯрд ва баъдан дар рақобат баҳри мақоми сеюм низ муқобили Аббос Омонбоеви узбек комёб шуда натавонист.
Дар вазни 48кг бошад, кишвари моро Маҳдӣ Баротов муаррифӣ намуд, ки дар аввалин рақобати хеш дар даври чорякниҳоӣ аз Шоҳҷаҳон Эшмурзоеви узбекистонӣ бо ҳисоби 6-10 ноком гардид.
Дар рақобатҳои гӯштини юнониву румӣ дар вазни 62кг ҳам кишвари моро як нафар муаррифгар буд. Ин ҳам Алиҷон Мирғиёсзода буд, ки нахуст дар марҳилаи ҳазфӣ ҳарифи ироқияш Муҳаммад Ал-Убайдиро мағлуб намуда, дар даври чорякниҳоӣ аз Оғабек Аскаралиеви узбекистонӣ бо натиҷаи 3-11 ноком гардид.
Намояндаи дигари кишвари мо Ғаниҷони Шероз бошад, дар вазни 68кг баромад намуда, дар даври чорякниҳоӣ аз Беҳрӯзбек Валиеви узбек бо натиҷаи 4-12 шикаст хӯрд.
Дар рӯзи дуввуми Чемпионати Осиё оид ба гӯштини тарзи озод ва юнониву румӣ, кишвари моро се варзишгар аз намуди гӯштини тарзи озод муаррифӣ намуданд.
Нахуст бояд аз Умар Раҳимов дар вазни 48кг гуфт, ки дар марҳилаи чорякниҳоӣ варзишгари мизбон Ҳамза Маҳмуд Нафишро бо ҳисоби 4-1 мағлуб намуда, ба даври ниманиҳоӣ роҳ ёфт.
Дар даври ниманиҳоӣ ҳарифи ироқияш Умар Абдулқодирро бо ҳисоби бузурги 11-0 шикаст дода, дар финал муқобили варзишгари узбекистонӣ Улуғбек Рашидов ба рақобат пардохт, вале дучори нокомӣ гардида, бо ҳамин бо медали нуқраи чемпионат қаноат намуд.
Намояндаи дигари кишвари мо дар рақобатҳои осиёии гӯштини тарзи озод Алиризо Баҳромов дар вазни 68кг буд, ки дар рақобат баҳри мақоми сеюм аз Кай Фуҷисеи ҷопонӣ шикаст хӯрд.
Ин варзишгари тоҷик дар даври чорякниҳоӣ Вардан Варданян аз Қазоқистонро шикаст дода, баъдан дар даври ниманиҳоӣ аз Суҷай Нагнат Танпурии ҳинду ноком шуд.
Идрис Баҳромов бошад, вақти рақобатҳо дар вазни 52кг дар аввалин муборизаи хеш дар марҳилаи ҳазфӣ аз Нишант Нишанти ҳиндӣ шикаст хӯрда, аз идомаи мусобиқа бенасиб монд.
Ҳамин тавр, тими миллии Тоҷикистон аз Чемпионати Осиё 6 медал - 2 тилло, 1 нуқра ва 3 медали биринҷӣ ба даст овард.
Яҳё МАҲМАДНАБИЕВ, “ҶТ”
Эзоҳи худро нависед