ВАРЗИШ
Якшанбе 08 Сентябр 2024 04:36
![1968](/upload/iblock/472/%D0%91%D0%B0%D1%85%D1%88%D0%B8-%D0%B2%D0%B0%D1%80%D0%B7%D0%B8%D1%88-%D0%B4%D0%B0%D1%80-%D0%92%D0%9C%D0%9A%D0%91.gif)
Бо иқдоми Раёсати ҷавонон, варзиш ва сайёҳии ВМКБ дар шаҳри Хоруғ семинари омӯзишӣ дар мавзӯи «Шиносоӣ бо Низомномаи муассисаҳои тайёрии варзишии Ҷумҳурии Тоҷикистон ва иҷроиши бандҳои он» баргузор гашт.
Дар семинар Саидраҳмон Раҳмонов, директори муассисаи давлатии «Хонаи ҷумҳуриявӣ методӣ», Носир Бозоров, сардори Раёсати тарбияи ҷисмонӣ ва инкишофи варзиши Кумитаи ҷавонон, варзиш ва сайёҳӣ, Зайнулло Эмомалиев, муовини директор оид ба таълими мактаби теннис, мураббиён ва сарварони мактабҳои варзишии ВМКБ иштирок намуданд.
Сардори Раёсати ҷавонони ВМКБ, Ризо Раҳматшоев зимни сухани ифтитоҳӣ аз дастгирию таваҷҷуҳи Ҳукумати кишвар нисбати оммавӣ гардондани соҳаи варзиш ёдовар шуда иброз дошт, ки маҳз бо туфайли заҳмату талоши Роҳбарияти Олии кишвар сол аз сол теъдоди варзишгоҳҳои замонавӣ, маҷмааю коплекс ва толору майдончаҳои варзишӣ дар вилоят зиёд шудааст.
-Итминон аст, ки татбиқи Низомномаи муассисаҳои тайёрии варзишии Ҷумҳурии Тоҷикистон дар шакли нав барои рушди минбаъдаи муассисаҳои варзишии вилоят ва ҳалли мушкилоти соҳа мусоидат менамояд, – гуфт Р. Раҳматшоев.
Саидраҳмон Раҳмонов зимни баромад иброз дошт, ки ҳадаф аз доир кардани семинар ин баррасии талаботи Низомномаи намунавии муассисаҳои варзишии кишвар ва меъёрҳои иловапулиҳои соҳаи варзиш, ки тибқи Қарори Ҳукумати Ҷумҳурии Тоҷикистон аз 23 августи соли 2016 таҳти № 367 ба тасвиб расидааст,
Дар амал рӯи кор овардани бандҳои Низомномаи мазкур ва ба шакли нави оморӣ пешниҳод намудани ҳисоботи муассисаҳои тайёрии варзишӣ тибқи варақаи омории 2 ТҶ. МВ айни ҳол талаботи замон асту минбаъд мактабҳои варзишии ВМКБ ҳам бояд дар доираи он фаъолият кунанд.
Носир Бозоров аз рушди варзиш дар ВМКБ изҳори қаноатмандӣ намуда, иброз дошт, ки омодагии хуби варзишгарони вилоят ба мусобиқаҳои сатҳи минтақавию байналмилалӣ солҳои охир воқеан мушоҳида мегардад ва ба имзо расидани Низомномаи мазкур як такони ҷиддие барои тарбияи кардрҳои нав хоҳад шуд.
“Он тағйироту иловаҳое, ки нисбати пешравии варзиш, намудҳои олимпиву ғайриолимпӣ дар Низомнома дарҷ гардиданд, интихоби дурусти мутахассисони соҳа аст ва онҳо аз нигоҳи назариявиву таҷрибавӣ ҳам асоснок шудаанд,”- афзуд Н. Бозоров.
Дар қисмати дигари семинар масъалаҳои ҳалталаби самти варзиши вилоят миёни иштирокдорон мавриди баҳсу баррасӣ қарор гирифтанд.
Аз ҷумла зикр гардид, ки ҳамасола дар навбати аввал маҳз камчинии маблағ боис мегардад ва теъдоде аз варзишгарони бомаҳорат дар мусобиқаҳои сатҳи байналмилалӣ ширкат варзида наметавонанд.
Ҳамчунин масъулини соҳаи варзиши ВМКБ аз он хотир изҳори таассуф намуданд, ки солиёни зиёд аст баъзе толорҳои варзишӣ дар ҳудуди ноҳияҳои Мурғоб, Роштқалъа, Ишкошим рӯи таъмирро надидаанд ва айни ҳол дар ҳолати ногувор қарор доранд.
Дар фарҷоми семинар сарварони мактабҳои варзишӣ ва мураббиёни вилоят ба пурсишҳои худ аз ҷониби намояндагони Кумитаи ҷавонон, варзиш ва сайёҳӣ посухҳои мувофиқ гирифтанд. Таъкид гардид, ки минбаъд барои масъулини соҳа лозим меояд, то тариқи мактубҳои саҳеҳу равшан оди масоили ҷойдошта ба Кумитаи ҷавонон, варзиш ва сайёҳӣ муроҷиат намоянд.
Машҳур ИМОМНАЗАРОВ, «ҶТ»
Дар семинар Саидраҳмон Раҳмонов, директори муассисаи давлатии «Хонаи ҷумҳуриявӣ методӣ», Носир Бозоров, сардори Раёсати тарбияи ҷисмонӣ ва инкишофи варзиши Кумитаи ҷавонон, варзиш ва сайёҳӣ, Зайнулло Эмомалиев, муовини директор оид ба таълими мактаби теннис, мураббиён ва сарварони мактабҳои варзишии ВМКБ иштирок намуданд.
Сардори Раёсати ҷавонони ВМКБ, Ризо Раҳматшоев зимни сухани ифтитоҳӣ аз дастгирию таваҷҷуҳи Ҳукумати кишвар нисбати оммавӣ гардондани соҳаи варзиш ёдовар шуда иброз дошт, ки маҳз бо туфайли заҳмату талоши Роҳбарияти Олии кишвар сол аз сол теъдоди варзишгоҳҳои замонавӣ, маҷмааю коплекс ва толору майдончаҳои варзишӣ дар вилоят зиёд шудааст.
-Итминон аст, ки татбиқи Низомномаи муассисаҳои тайёрии варзишии Ҷумҳурии Тоҷикистон дар шакли нав барои рушди минбаъдаи муассисаҳои варзишии вилоят ва ҳалли мушкилоти соҳа мусоидат менамояд, – гуфт Р. Раҳматшоев.
Саидраҳмон Раҳмонов зимни баромад иброз дошт, ки ҳадаф аз доир кардани семинар ин баррасии талаботи Низомномаи намунавии муассисаҳои варзишии кишвар ва меъёрҳои иловапулиҳои соҳаи варзиш, ки тибқи Қарори Ҳукумати Ҷумҳурии Тоҷикистон аз 23 августи соли 2016 таҳти № 367 ба тасвиб расидааст,
Дар амал рӯи кор овардани бандҳои Низомномаи мазкур ва ба шакли нави оморӣ пешниҳод намудани ҳисоботи муассисаҳои тайёрии варзишӣ тибқи варақаи омории 2 ТҶ. МВ айни ҳол талаботи замон асту минбаъд мактабҳои варзишии ВМКБ ҳам бояд дар доираи он фаъолият кунанд.
Носир Бозоров аз рушди варзиш дар ВМКБ изҳори қаноатмандӣ намуда, иброз дошт, ки омодагии хуби варзишгарони вилоят ба мусобиқаҳои сатҳи минтақавию байналмилалӣ солҳои охир воқеан мушоҳида мегардад ва ба имзо расидани Низомномаи мазкур як такони ҷиддие барои тарбияи кардрҳои нав хоҳад шуд.
“Он тағйироту иловаҳое, ки нисбати пешравии варзиш, намудҳои олимпиву ғайриолимпӣ дар Низомнома дарҷ гардиданд, интихоби дурусти мутахассисони соҳа аст ва онҳо аз нигоҳи назариявиву таҷрибавӣ ҳам асоснок шудаанд,”- афзуд Н. Бозоров.
Дар қисмати дигари семинар масъалаҳои ҳалталаби самти варзиши вилоят миёни иштирокдорон мавриди баҳсу баррасӣ қарор гирифтанд.
Аз ҷумла зикр гардид, ки ҳамасола дар навбати аввал маҳз камчинии маблағ боис мегардад ва теъдоде аз варзишгарони бомаҳорат дар мусобиқаҳои сатҳи байналмилалӣ ширкат варзида наметавонанд.
Ҳамчунин масъулини соҳаи варзиши ВМКБ аз он хотир изҳори таассуф намуданд, ки солиёни зиёд аст баъзе толорҳои варзишӣ дар ҳудуди ноҳияҳои Мурғоб, Роштқалъа, Ишкошим рӯи таъмирро надидаанд ва айни ҳол дар ҳолати ногувор қарор доранд.
Дар фарҷоми семинар сарварони мактабҳои варзишӣ ва мураббиёни вилоят ба пурсишҳои худ аз ҷониби намояндагони Кумитаи ҷавонон, варзиш ва сайёҳӣ посухҳои мувофиқ гирифтанд. Таъкид гардид, ки минбаъд барои масъулини соҳа лозим меояд, то тариқи мактубҳои саҳеҳу равшан оди масоили ҷойдошта ба Кумитаи ҷавонон, варзиш ва сайёҳӣ муроҷиат намоянд.
Машҳур ИМОМНАЗАРОВ, «ҶТ»
Эзоҳи худро нависед