ВАРЗИШ
Чоршанбе 14 Апрел 2021 10:33
7911
Бо ҳадафи таҳкими тарзи ҳаёти солим ва баҳри ба даст овардани Ҷоми 30 - солагии Истиқлолияти давлатии Ҷумҳурии Тоҷикистон дар шаҳри Хоруғи Вилояти Мухтори Кӯҳистони Бадахшон байни 10 дастаи ҷавонони вилоят мусобиқаи футбол баргузор гашт.

Тавре Сураҷ Чоршанбиев, сардори Раёсати кор бо ҷавонон ва варзиши вилоят иттилоъ дод, мусобиқа бо ибтикори мақомоти иҷроияи ҳокимияти давлатии ВМКБ, шаҳри Хоруғу раёсат дар ҳамкорӣ бо Анҷумани Оғохон оид ба масоили ҷавонон ва варзиш давоми се ҳафтаи соли равон идома ёфт.

Дар даври ниҳоии мусобиқа раиси шаҳр Мирзонабот Алишер Худоберди иштироку суханронӣ намуда, баҳри ҷалби ҳарчи бештари ҷавонон ба зиндагии шоиставу солим ҳадафи роҳбарияти олии давлат ва Ҳукумати Ҷумҳурии Тоҷикистонро арзёбӣ кард.

Қобили зикр аст, ки дар даври охир дастаҳои “Тандурустӣ” ва “Pamir Еnergy” бо ҳам рақобат намуда, “Pamir Еnergy” тими рақибро бо ҳисоби 3 : 1 шикаст дод ва Ҷоми 30 - солагии Истиқлолиятро ба даст овард. Тими “Мегафон” бошад, зинаи сеюмро ишғол намуд.

Ғолибон аз тарафи мақомоти иҷроияи ҳокимияти давлатии вилояту шаҳр, ширкатҳои мобилии “Babilon”, “Tcell”, “Мегафон Тоҷикистон”, ширкати барқии “Pamir Еnergy”, мақомоти андози шаҳр, Раёсати тандурустӣ ва ҳифзи иҷтимоии аҳолии вилоят, Раёсати стандартизатсия, метрология, сертификатсия ва нозироти савдо ва Раёсати кор бо ҷавонон ва варзиши вилоят бо медалу ифтихорнома, 30 адад дучарха, мукофотпулию либосҳои варзишӣ қардонӣ гаштанд.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2

Апрел 2021 c.