Бо ибтикори Бахши ҷавонон, варзиш ва сайёҳии ноҳияи Ванҷ бахшида ба “Соли ҷавонон” ва 20 – солагии Ваҳдати миллӣ дар ноҳия мусобиқаи варзишӣ аз намуди волейбол миёни 7 даста баргузор карда шуд.

Аз рӯи холҳои умумӣ дар чор басти бозии финалӣ дастаи “Андарбак” бар дастаи “Будун” бо ҳисоби 3 : 1 (7:4, 14:16, 12:7, 23:10) дастболо шуда, мақоми аввалро соҳиб гардид.

Барои ҷойи сеюм дастаҳои “Вишхарв” ва “Шауд” талош намуда, дар охир дастаи “Вишхарв” бо ҳисоби 3 : 1 ( 8: 5, 13:10, 11:6, 20:12) ғолиб омад.

Ғолибонро Бахши ҷавонон, варзиш ва сайёҳии ноҳияи Ванҷ Масрур Ғайратов бо мукофоти пулӣ ва ифтихорномаҳои Бахши ҷавонон, варзиш ва сайёҳии ноҳия қадрдонӣ намуд.

Ба иттилои мудири Бахши ҷавонон, варзиш ва сайёҳии ноҳияи Ванҷ Масрур Ғайратов мусобиқаи волейбол дар таҳкими тарзи ҳаёти солим ва дӯстиву иттиҳоди ҷавонон нақши калон дорад.

Машҳур ИМОМНАЗАРОВ, ҶТ