Иштирокчиёни семинари "Рушди ҳамкории сайёҳӣ миёни Тоҷикистону Чин дар соли 2017" нимаи дуюми рӯзи 14 июн аз девори бузурги шаҳри Сиян дидан намуданд.

Тавре роҳбаладони мо нақл карданд, Девори бузурги шаҳри Сиян дар музофоти Футзиян яке аз мавзеъҳои таърихию сайёҳӣ ба ҳисоб меравад, ки 700 сол пеш аз ҷониби император Чжу Юанжан сохта шудааст. Масоҳати он 15 километр буда, дар шаҳри Сиян ягона биное аст, ки то ба имрӯз бо ёдгориҳояш пурра ҳифз шудааст ва ифодагари таърихи шаҳри мазкур мебошад. Ба монанди девори мазкур дар шаҳрҳои Пекин ва Нанкини Чин низ деворҳои бузурги таърихии замони пеш бунёдёфта мавҷуд аст, ки дар давраҳои муайян, зимни тохтутозҳои аҷнабиён қисман хароб гардидаанд.

Имрӯз девори қадими шаҳри Сиян бо таърихи меъмории худ ба яке аз мавзеъҳои бузурги сайёҳӣ табдил ёфтааст, ки ҳамасола зиёда аз 115 ҳазор сайёҳи хориҷӣ ба тамошои он меояд.

Зимни боздид иштирокчиёни семинар ба тарзи меъморӣ ва таърихи девори мазкур аз наздик ошно гардиданд.

Шодихони НАЗАР, шаҳри Сиян, махсус барои "ҶТ"