САЙЁҲӢ
Чоршанбе 16 Октябр 2019 07:02
1130
Дар нимсолаи якуми соли равон ба кишвар 209 ҳазору 511 нафар шаҳрванди хориҷӣ ташриф оварданд, ки 163 ҳазору 988 нафараш сайёҳ мебошанд. Ин нишондод нисбат ба ҳамин давраи соли 2015 16723 нафар зиёд аст.

Тавре аз Кумитаи ҷавонон, варзиш ва сайёҳӣ иттилоъ доданд, аз ҳисоби сайёҳони хориҷӣ иқтисодиёти мамлакат 81 миллиону 994 ҳазор доллари ШМА фоида дид, ки нисбат ба ҳамин давраи соли гузашта 8 миллиону 361 ҳазору 500 доллар зиёд мебошад.

Дар доираи андешидани тадбирҳои саривақтии Ҳукумати ҷумҳурӣ оид ба содда кардани вуруди шаҳрвандони хориҷӣ ба мамлакат ва бартараф кардани монеаҳои маъмурӣ барои будубоши бофароғат дар ҳудуди ҷумҳурӣ, тибқи пурсишҳо дар минтақаҳои туристӣ гурӯҳҳои нави сайёҳон ворид гардида истодаанд.

Ҳамзамон, иштирок дар намоишгоҳҳои бонуфузи байналмилалии сайёҳӣ ва муаррифии имкониятҳои туристии мамлакат боиси ҷалби бештари туристон ба кишвар гардидааст.

Дар давраи ҳисоботӣ аз ҷониби кумита ва сохторҳои он дар ВМКБ, вилоятҳои Суғду Хатлон, НТМ ва шаҳри Душанбе дар самти сайёҳӣ 439 чорабинӣ баргузор шуд. Дар ин давра 2 конфронси миллӣ, 2 намоишгоҳи байналмилалӣ, 156 суҳбату вохӯриҳо, 247 чорабинии гуногуни фарҳангӣ, тренинг ва семинарҳои омӯзишӣ доир гардиданд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

Октябр 2019 c.