Дар толори мақомоти иҷроияи ҳокимияти давлатии вилояти Хатлон ҷаласаи Шӯрои байниидоравӣ оид ба ҳамоҳангсозии фаъолият дар соҳаи туризм доир шуд.

Ҷамъомади мазкур таҳти роҳбарии муовини раиси вилоят, раиси Шӯро Махфират Хидирзода баргузор гардида, дар он аъзоҳои Шӯро, муовинони раисони шаҳру ноҳияҳои вилоят иштирок намуданд.

Мудири шуъбаи рушди сайёҳии вилоят, Шамсулло Салимзода оид ба фаъолияти шуъба дар соли равон маълумот дода, иброз намуд, ки дар ҳафт моҳ ба ҷойҳои сайёҳии вилоят аз дохилӣ ва хориҷӣ беш аз 119 ҳазор нафар туристон ворид гардидаанд, ки аз ин шумора 6 ҳазору 366 нафарашонро сайёҳони хориҷӣ ташкил медиҳанд. 

Дар охир аз ҷониби роҳбари Шӯро дастур дода шуд, ки масъулони шаҳру навоҳии вилоят дар бартараф кардани камбудиҳои ҷойдоштаи соҳа тадбирҳои муассир андешанд.