Дар шаш моҳи аввали соли 2025 ба Тоҷикистон 925,7 ҳазор шаҳрванди хориҷӣ ташриф овардаанд, ки аз ин нишондод 762,3 ҳазор нафарашон ҳамчун сайёҳ ворид гардидаанд, ки ин нишондиҳанда нисбат ба ҳамин давраи соли гузашта 31,3 % зиёд мебошад.

Дар ин хусус 1 август зимни нишасти матбуотии Кумитаи рушди сайёҳии назди Ҳукумати Ҷумҳурии Тоҷикистон иттилоъ дода шуд.

Тавре муовини якуми раиси Кумитаи мазкур Рустам Холматиён иброз дошт, аз шумораи умумии шаҳрвандони хориҷии воридшуда 850,6 ҳазор нафар, ё 91,9% ба мамолики ИДМ ва 75,1 ҳазор нафар ё 8,1% ба мамолики хориҷи дур рост меояд.

Ш. ЭШОНОВА, “ҶТ”