Ширин Амонзода раиси Кумитаи рушди сайёҳии назди Ҳукумати Ҷумҳурии Тоҷикистон зимни нишасти матбуотӣ иттилоъ дод, ки дар соли 2019 282 субъекти хизматрасонии сайёҳӣ (меҳмонхона, осоишгоҳу истироҳатгоҳ, ҳостел, маҷмааҳои сайёҳӣ) ба сайёҳони дохилию хориҷӣ хизмат расонидаанд.

- Аз ҷумла дар минтақаҳои ВМКБ дар маҷмӯъ 52 адад, нисбат ба соли 2018, 7 адад зиёд, Хатлон 87 адад, ки нисбат ба соли 2018, 5 адад зиёд, Суғд 87 адад, ки нисбати соли 2018, 9 адад зиёд, НТМ умуман 48 адад, ки аз соли 2018, 4 адади дигар зиёдтар ва ҳамчунин дар шаҳри Душанбе 46 адад, ки нисбат ба соли гузашта 4 адади дигар зиётар ба назар расиданд,-иброз дошт раиси кумита.

Инчунин гуфта шуд, ки шумораи ҳуҷраҳо дар субектҳои хизматрасонӣ дар соли 2019 7635 ададро ташкил дод, ки ин нисбат ба соли 2018, 684 адад зиёд ва шумораи катҳо 16470, нисбат ба соли 2018 1042 адад зиёдтар аст. Дар соли 2019, 58 ширкати сайёҳӣ таъсис ва ба бозори сайёҳии мамлакат ворид шуданд ва дар маҷмуъ шумораи ширкатҳои сайёҳӣ ба 202 адад расид.

Дар соли 2019 аз рӯи омори кумита шумораи шаҳрвандони хориҷӣ ба кишвари мо 1 миллиону 257 ҳазору 300 нафар сайёҳ ворид шудаанд, ки ин нисбат ба соли 2018 219,7 ҳазор нафар зиёд аст.