Паҳлавони мактаби варзишии ноҳияи Рӯшон Фарорун Мирзошоев, ки дар мусобиқаи 12 - уми қаҳрамонии Осиё оид ба ҷудо дар шаҳри Бейрути давлати Ливан ҷои сеюм гирифт, самимона истиқбол намуданд.

Дар ин бора Шуҳрат Алиев, сармутахассиси Бахши кор бо ҷавонон ва варзиши ноҳия иттилоъ дода, гуфт ки паҳлавонро масъулини бахш, намояндагони мақомоти иҷроияи маҳаллии ҳокимияти давлатии ноҳия, омӯзгорону толибилмони МТМУ № 9 бо гулу мукофот пешвоз гирифтанд.

Ёдовар мешавем, ки варзишгарони тоҷик дар рӯзи аввали мусобиқа ду медалро соҳиб шуданд. Аз ҷумла Сулаймони Ҷамшед дар вазни то 60 кило медали нуқра ва Фарорун Мирзошоев дар вазни то 55 кило медали биринҷиро ба даст оварданд.