САЙЁҲӢ
Якшанбе 08 Сентябр 2024 04:42
![8021](/upload/iblock/285/Untitled-1.jpg)
![Untitlаааed-1.jpg Untitlаааed-1.jpg](/upload/medialibrary/d26/Untitlаааed-1.jpg)
4 - майи соли равон бо ташаббуси Кумитаи рушди сайёҳии назди Ҳукумати Ҷумҳурии Тоҷикистон як гурӯҳ намояндагони ВАО ба ноҳияҳои Данғара, Балҷувон ва Ховалинги Вилояти Хатлон сафар карданд.
Ҳабибулло Амирбекзода, муовини аввали Кумитаи рушди сайёҳии назди Ҳукумати Ҷумҳурии Тоҷикистон баргузории ин Пресс-турро шарҳ дода гуфт, ки ин нахуст пресс-тур аз ҷониби кумита аст.
- Мақсад аз баргузор намудани чунин сафарҳо барои намояндагони ВАО тарғиб намудани мавзеҳои сайёҳӣ ва муаррифӣ гардонидани кишвари мо барои хориҷиён аст. Ман бо итминони комил гуфта метавонам, ки ин сафари шумо муаррифгари Тоҷикистони азиз хоҳад шуд. Шумо имрӯз симои маконҳои сайёҳӣ дар Вилояти Хатлон ҳастед,- илова кард, ӯ.
Намояндагони ВАО зимни сафар аввал аз маркази фарҳанги “Хуррамшаҳр”-и ноҳияи Данғара дидан намудаанд. “Хуррамшаҳр” яке аз қасрҳои зеботарин ва ягона дар кишварҳои Осиё Миёна аст. Ин қаср аз чанд толори замонавӣ иборат буда, дораи ду китобхонаи калон аст. Пас аз дидани Хуррамшаҳр намояндагони ВАО-ро дар Қасри фарҳанги ноҳия Балҷувон муовини раиси ноҳия Зоирзода Маърифат пешвоз гирифта, дар бораи маконҳои сайёҳӣ маълумот дод.
Дар нимаи дуюми рӯзи 4-уми май намояндагони ВАО ба ноҳияи Ховалинг ташриф оварда, аз маконҳои зебоманзари ноҳия, аз ҷумла Мақбараи Ҳазрати Султон Увайси Қаранӣ, Осорхонаи Қаҳрамони халқи тоҷик Восеъ, Чилдухтарон, Чилчанорон, Осорхонаи Ҳабибулло Файзулло ва меҳмонхонаҳои замонавии ноҳияро дидан карданд.
Дар рӯзи дуюми сарафар рӯзноманигорон аз тамошогоҳи деҳаи Пушинги ноҳияи Данғара дидан намуда, бо ҳамин ба шаҳри Душанбе баргаштанд.
Эзоҳи худро нависед