САЙЁҲӢ
Душанбе 24 Июн 2024 10:43
10310
Аз 2 то 4 май дар шаҳри Туркистони Ҷумҳурии Қазоқистон таҳти унвони “Ҳамкории иқтисодии минтақавии Осиёи Марказӣ “CAREC”-рушди устувори сайёҳӣ дар Осиёи Марказӣ” ҳамоиши байналмилалӣ баргузор гардид, ки дар он роҳбарияти Кумитаи рушди сайёҳии назди Ҳукумати Ҷумҳурии Тоҷикистон, намояндагони ширкати сайёҳии “Саёҳати Диёр”, пойгоҳи кӯҳнавардии “Артуч” ва дигар субъектҳои хизматрасонии соҳаи сайёҳӣ иштирок карданд.

Дар ин бора аз дафтари матбуотии Кумитаи рушди сайёҳии назди Ҳукумати кишвар хабар доданд.

Бино ба иттилои манбаъ, ҳамоиш бо дастгирии барномаи Ҳамкории иқтисодии минтақавии Осиёи Марказӣ “CAREC” баргузор шуда, ҳадафи он омӯхтани таҷрибаи кишварҳоест, ки дар самти сайёҳӣ пеш рафтаанд.

Дар ҳамоиш зиёда аз 10 давлати аъзои “CAREC” иштирок намуданд. Гуфта шуд, ки айни замон ҳамкорӣ байни ширкатҳои сайёҳии давлатҳои Осиёи Марказӣ дар сатҳи зарурӣ буда, хатсайрҳои минтақавӣ низ амалӣ мешаванд. Ин омил имконият медиҳад, ки сайёҳони хориҷӣ зимни саёҳат ба давлатҳои Осиёи Марказӣ якбора бо се мамлакати дорои пайроҳаи Шоҳроҳи Абрешим - Тоҷикистон, Узбекистон ва Қирғизистон шинос шаванд.

Эзоҳи худро нависед



Рамзҳо дар расм