САЙЁҲӢ
Шанбе 21 Сентябр 2019 08:02
1391
Дар Тоҷикистони азизи мо алҳол дар баробари дигар соҳаҳо туризм низ дар ҳоли инкишоф мебошад. Ин падидаи нек дар кишвари биҳиштосои мо рӯз то рӯз мавқеи худро устувортар мегардонад. Зеро табиати зебову таскинбахши Тоҷикистон қалби ҳазорҳо нафар ҳаводорони сайру сайёҳатро ба худ моил гардондааст.

Яке аз маконҳои дилрабову хушбоду ҳавои кишвари мо ноҳияи Ховалинг аст. Ховалинг дар қисмати ҷанубу ғарбии кишвар ҷойгир буда, дар масофаи 283 километр аз маркази ҷумҳурӣ ҷойгир аст ва дар баландии 1500 метр аз сатҳи баҳр қарор дорад.

Вақти ба ин минтақа ворид гардидан шоҳид мегардед, ки атрофи шуморо табиати ноди¬ре иҳота кардааст. Дар Ховалинг мавзеъҳои диданӣ зиёданд, ки ҳамеша пуродам аст. Яке аз онҳо “Чилчанори Ховалинг” мебошад. Чилча¬нор мавзеест басе дилкушо ва макони сабзест миёни шаҳраки Ховалинг. Аксари мардум умри чанорҳоро ҳазорсола мегӯянд ва дар бораи он қиссаву ривоятҳои гуногуне доранд. Чилчанор чил сипоҳиеро мемонад, ки гӯё оби мусаффои чашмаро асрҳо боз посбонӣ мекунанд. Ҳар на¬фаре, ки аз он дидан менамояд, хотироти нек ме¬бардорад.

Мавзеи дигаре, ки бо ҳусну латофати хеш ди¬данист, Дараи Мухтор, зодгоҳи Восеи қаҳрамон мебошад. Деҳаи Дараи Мухтор дар ҳудуди ҷамоати деҳоти Ҷомбахт дар масофаи 5 кило¬метр дуртар аз маркази ноҳия ҷойгир мебошад. Деҳа бо табиати дилфиреб, боғу гулу буттаҳо қалби бинандаро тасхир менамояд. Инчунин дар зодгоҳи Қаҳрамон ҳоло Боғ - осорхонаи таърихи Шӯриши Восеъ (соли 1888) бузургтарин хурӯҷи деҳқонон, ки пояи аморати Бухороро ба лар¬за овард, меҳмонхонаи замонавӣ сохта ба ис¬тифода дода шудааст. Дар он барои сайёҳҳону меҳмонон тамоми шароит фароҳам оварда шу¬дааст.

Аз замони ворид шудан ба ин макон худ эҳсос менамоед, ки ба оғӯши гарми табиати дилангезе ворид гардида истодаед. Дараи мазкурро аз ду тараф баландиҳои зебое иҳота намудааст. Дара ки дар қалби он ҷойгир аст, бо табиати зебову да¬рахтони шаҳдбор писанди ҳар нафар мегардад.

Дар баробари дигар мавзеҳои туристӣ дар ноҳия якчанд зиёратгоҳ мавҷуд аст, ки мардуми гирду атроф ба он эҳтироми хос дошта, аз ҳар гӯшаву канори кишвар ба зиёрат меоянд. Ба мо¬нанди мазори Ҳазрати Султон Увайси Қаранӣ ва Хоҷа Аюби Ансорӣ.

Мазори Ҳазрати Султон 18 километр дур аз маркази ноҳияи Ховалинг воқеъ буда, ҷойи сар¬сабз, ободу зебоест. Тамошои табиати атрофи он, мақбараи аз нав эъморшуда бо гунбазҳои бузургу роҳравҳои ҳамвор ва нушидани оби чашмаҳои шифобахши атрофи он, ки Ҳикмату Мағфират, Раҳмату Мурод ва Шифо ном доранд, ба шахс ҳаловат мебахшад.

Пешвои миллат, муҳтарам Эмомалӣ Раҳмон ҳануз се сол қабл ҳангоми мулоқот бо сокинони ноҳияи Ховалинг доир ба имкониятҳои туристии ноҳия суҳбат намуда иброз дошта буд, ки “Дар ҳудуди ноҳия 55 ёдгории таърихиву фарҳангӣ, аз қабили мазори Ҳазрати Султон Увайси Қаранӣ, Боғ - осорхонаи Восеъ, шаҳри Мунки қадим, бошишгоҳҳои одамони асри санг дар мавзеъҳои Хонақоҳи Севодара ва Кӯлдара ва маъбади буддоии Чепол мавҷуд мебошанд”. Президенти мамлакат таъкид намуда буданд, ки обод нигоҳ доштани мавзеъҳои табииву таърихӣ аз ҷумлаи самтҳои муҳими рушди минбаъдаи ноҳия ба ҳисоб меравад. Зеро илова ба ёдгориҳои но¬дири таърихӣ ва табиати зебои ин диёр ташкил намудани инфрасохтори зарурӣ барои рушди туризм ва ҷалби сайёҳони дохиливу хориҷӣ яке аз роҳҳои муҳими бо ҷойи кор таъмин намудани аҳолӣ ва беҳтар гардидани сатҳи зиндагии соки¬нони ноҳия мебошад.

Имрӯзҳо умуман баҳри рушди туризм дар ноҳия пайваста тадбирҳои гуногун андешида мешавад. Роҳе, ки то маркази ноҳия меравад, ҷавобгӯи талабот аст.

Ба таъкиди Беҳрӯз Бобоев, сармутахассиси Раёсати ҷавонон, варзиш ва сайёҳии вилояти Хатлон, табиати нотакрори диёри хамешабаҳор, таваҷҷуҳи сайёҳонро ба худ кашидааст.

- Барои инкишоф ва пешрафти кори сайёҳӣ ташкили марказҳои хизматрасонӣ барои сайёҳон зарур аст. Чунончи бунёди меҳмонхона ва маҳалли чамъоварии гиёҳҳои шифобахши доруворӣ, ташкили муассисаи хизматрасонӣ бо обҳои шифобахши Мазори Хазрати Султон мета¬вонад ба пешрафти сайёҳӣ дар ноҳияи Ховалинг мусоидат кунад”, - иброз дошт ӯ.

Воқеан, барои ҷалби бештари сайёҳон моро зарур аст, ки имкониятҳои мавҷударо дуруст ис-тифода барем. Алалхусус дар замони ҳозира, ки иқтисоди мамлакат беш аз пеш таҳти хатар қарор дорад, бояд ба рушди соҳа аҳамияти ҷиддӣ дода, аз ин тариқ даромад ба буҷаро таъмин намоем.


Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6

Сентябр 2019 c.