Имрӯз, 20 апрел бо иштироки раиси ноҳияи Рӯшон Имомназар Хоҷаназари Лутфулло, аҳли зиёву намояндагони Шуъбаи илм ва маориф дар мавзӯи "Пешвои миллат - ташаббускори рушди сайёҳӣ ва ҳунарҳои мардумӣ" конфронси илмӣ – амалӣ баргузор гашт.

Чорабинӣ бо ибтикори мақомоти иҷроияи маҳаллии ҳокимияти давлатӣ, Бахши кор бо ҷавонон ва варзиш ба муносибати "Соли рушди сайёҳӣ ва ҳунарҳои мардумӣ" ташкил шуда, дар рафти он сокинону ҷавонон беҳтарин маҳсулоти ҳунарии хешро ба маърази тамошо гузоштанд.

Ба гуфтаи Шуҳрат Алиев, сармутахассиси бахш, ҳадаф аз баргузории конфронс эҳё намудани ҳунарҳои мардумӣ, баланд бардоштани ҳисси худшиносии ҷавонон, арҷгузорӣ ба суннату ҳунарҳои аҷдодӣ ва таблиғи ҳамаи ҷойҳои таърихию манзараҳои зебои кишвари азизамон мебошад.