САЙЁҲӢ
Якшанбе 08 Сентябр 2024 04:33
![736](/upload/iblock/978/%D2%B3%D1%83%D0%BB%D0%B1%D1%83%D0%BA.jpg)
Гурӯҳи рӯзноманигорон 17 март баъд аз нисфирӯзӣ аз ноҳияи зебоманзари Ховалинг ба ноҳияи Восеъ омаданд.
Рӯзноманигорон аз қалъаи таърихии «Ҳулбук» дидан карданд. Ҳамчунин аз захира калонтарин кони намак дар дунё «Хоҷамуъмин» аз наздик шинос шуданд. Кони намаки «Хоҷамуъмин» аз 163 чашма иборат буда, 23-тои он доимӣ ва боқимонда мавсимӣ мебошанд. Танҳо сатҳи болоии қишри заминаш аз 31 то 41 млрд. тонна намак иборат аст. Обҳои шӯре, ки аз қишри замин мебарояд аз аввали баҳор то моҳи август софкорӣ карда мешавад. Баъди обаш бухор шудан, онро захира карда, баъдан коркард мекунанд. Ҳамчунин, кон ҷанбаи таърихӣ дошта, сарлашкари араб Асад ибни Абдуллоро ду маротиба дар болои ҳамин кӯҳ шикаст додаанд. Дар назар аст, ки рӯзноманигорон пас аз шиносоӣ бо дигар мавзеоти таърихии ноҳияи Восеъ субҳи 18 март ба шаҳрии бостонии Кӯлоб сафар намоянд.
![](/upload/files/суманак.jpg)
Эзоҳи худро нависед