Субҳи имрӯз, 9 май “Корвони рӯзноманигорон” аз шаҳри Душанбе баҳри ошно гардидан ба дастовардҳои мардуми Вилояти Мухтори Кӯҳистони Бадахшон ва ҷараёни омодагӣ ба таҷлили ҷашни Ваҳдати миллӣ ба ВМКБ сафар намуданд.

Тибқи нақша намояндагони воситаҳои ахбори омма дар ноҳияҳои Вилояти Мухтори Кӯҳистони Бадахшон тақсим шуда, рафти омодагии мардумро ба ҷашни Ваҳдати миллӣ инъикос менамоянд.

Дар назар аст, ки санаи 12 май дар чойхонаи Боғи миллии шаҳри Хоруғ, бо иштироки 60 нафар намояндагони мақомоти давлатӣ, Дастгоҳи иҷроияи Ҷумҳурии Тоҷикистон, Маркази тадқиқоти стратегӣ, Кумитаи телевизион ва радиои назди Ҳукумати Ҷумҳурии Тоҷикистон, Кумитаи иҷроияи Ҳаракати ваҳдати миллӣ ва эҳёи Тоҷикистон ва рӯзноманигорон мизи мудаввар доир мегардад.

Сафари “Корвони рӯзноманигорон” то 13 май идома ёфта, аз рафти сафар ба ноҳияҳои  ВМКБ шуморо огаҳ месозем.